ባለፈው ወር አጋማሽ የወጣው የታዋቂው ጉራጊኛ ድምፃዊ ኃይሉ ፈረጃ “ትኩሰለ” አዲስ አልበም በአንደኝነት እየተደመጠ መሆኑን ድምፃዊዉ ገለፀ፡፡ ድምፃዊው የሙዚቃ ቤት ምንጮችን ጠቅሶ እንደነገረን አዲሱ አልበም ዘንድሮ ከወጡ ዘጠኝ የጉራጊኛ አልበሞች በሽያጭና በመደመጥ እየመራ ነው፡፡ ግጥምና ዜማውን ራሱ ኃይሉ ፈረጃ በሰራው እና አስር ዘፈኖች በያዘው አልበም መሃመድ ኑርሁሴን፣ ከድር ሁሴን፣ አሸናፊ ከበደ፣ እድሪስና ዘሪሁን በሙዚቃኝነት ተሳትፈውበታል፡፡ ኃይሉ ፈረጃ ለካሁን ቀደም “ቃሳ ቃሳ” በሚለው አልበሙ ይታወቃል፡፡ ይህ በእንዲህ እንዳለ ድምፃዊ ሃይሉ ፈረጃ እና ድምፃዊት ሄለን በርሄ በቅርቡ በውጭ ሀገራት የሙዚቃ ድግስ በአዲካ አማካኝነት ሊያቀርቡ መሆኑን ለማወቅ ተችሏል፡፡