በአሜሪካ የሚኖረው ታዋቂው ትውልደ ኢትዮጵያዊ የምግብ ዝግጅት ባለሙያ ሼፍ ማርከስ ሳሙኤልሰን ‘ማርከስ ኦፍ ዲዩቲ፣ ዘ ሬሲፔስ አይ ኩክ አት ሆም’ የተሰኘ አዲስ የምግብ ዝግጅት መጽሃፍ ሊያወጣ ነው፡፡የተለያዩ አገራት ምግቦችን በማዘጋጀት የሚታወቀው ሳሙኤልሰን፤ ከዚህ በፊት ለንባብ ያበቃቸው መጽሃፍት ከፍተኛ ሽያጭ እንዳገኙለት ያስታወሰው ታዲያስ መጽሄት፣ አሁን ደግሞ በአዲስ መልኩ ያዘጋጀውን የምግብ አሰራር የያዘ መጽሃፉን ለንባብ ለማቅረብ በዝግጅት ላይ እንደሚገኝ ዘግቧል፡፡ዋይት ሃውስን ጨምሮ በከፍተኛ ቦታዎችና በታላላቅ ስነ ስርዓቶች ላይ ምግብ በማሰናዳት የሚታወቀው ሳሙኤልሰን፤ ‘ሬድ ሮስተር’ የተባለ ታዋቂ ሬስቶራንት ከፍቶ በአሜሪካ እየሰራ እንደሚገኝ ዘገባው ጨምሮ አስታውቋል፡፡
Monday, 20 October 2014 08:32
Published in
ኪነ-ጥበባዊ ዜና