Print this page
Saturday, 20 June 2015 11:30

አሜሪካ በዶላር ላይ ለመጀመሪያ ጊዜ የሴት ምስል ልታወጣ ነው

Written by 
Rate this item
(5 votes)

በመገበያያ ገንዘቧ ዶላር ላይ የታዋቂ መሪዎቿን ምስል የምታወጣው አሜሪካ፣ በታሪኳ ለመጀመሪያ ጊዜ የሴት ምስል ለማውጣት መወሰኗን ዘ ቴሌግራፍ ከትናንት በስቲያ ዘገበ፡፡ የአሜሪካ የገንዘብ ተቋም እንዳስታወቀው፣ በአገሪቱ የ10 ዶላር ኖት ላይ የአንዲትን ታላቅ አሜሪካዊት ሴት ምስል ለማውጣት ውሳኔ ላይ የተደረሰ ቢሆንም፣ በዶላሩ ላይ የምትወጣዋ ሴት ማን ናት የሚለው ግን ገና አልታወቀም፡፡
ከዚህ በፊት በአሜሪካ የ10 ዶላር ኖት ላይ የነበረው ምስል የአሌክሳንደር ሃሚልተን እንደነበር ያስታወሰው ዘገባው፣ የአገሪቱ የትሬዠሪ ጸሃፊ ጃክ ሊው በጉዳዩ ዙሪያ ከህዝብ ጋር ከመከሩና በድረገጽ አማካይነት የሚሰጠውን ጥቆማ ከገመገሙ በኋላ በኖቱ ላይ ምስሏ የሚወጣላትን ሴት እንደሚመርጡ አስታውቋል፡፡
አዲሱ ዶላር ከአምስት አመታት በኋላ በሚከናወነውና የአገሪቱ ሴቶች የመምረጥ መብታቸውን የተጎናጸፉበትን 100ኛ አመት ለመዘከር በሚዘጋጅ ስነስርዓት ላይ ይፋ እንደሚሆንም ይጠበቃል፡፡
በአገሪቱ የመገበያያ ገንዘብ ላይ ምስሏ የሚወጣላትን ሴት በተመለከተ ዘገባው ባስቀመጠው ግምት፣ ሴቶችን ከባርነት በማውጣት ታሪክ የሰራችው ሃሬት ቱብማን፣ የቀድሞው ፕሬዚዳንት ፍራንክሊን ሩዝቬልት ባለቤት ኤሊኖር ሩዝቬልት፣ የጥቁሮች መብት ተሟጋቿ ሮዛ ፓርክስ፣ ቼሮኬን ለ10 አመታት ያህል ያስተዳደሩት ዊልማ ማኒከርን ጠቅሷል፡፡

Read 3938 times
Administrator

Latest from Administrator