Saturday, 11 February 2012 10:26

የፖለቲካ ጥግ

Written by  ኤሊያሰ
Rate this item
(0 votes)

ነፍስ ግድያ የሴንሰርሺፕ ከፍተኛው ደረጃ ነው፡፡

ጆርጅ በርናንድ ሾው

(የአይሪሽ ፀሐፌ ተውኔት)

ትራጄዲ የልዑላንን ህይወት ይወክላል፡፡ ኮሜዲ የህዝቡን እንቅስቃሴ ለማሳየት ያገለግላል፡፡

ፍራንሶይስ ኦውቢኛክ

(ፈረንሳዊ ፀሐፌ ተውኔትና ሃያሲ)

ስላቅ በዋይት ሀውስ ውስጥ በጥሩ ሁኔታ በህይወት ይገኛል፡፡

ሮቢን ዊሊያምስ

(አሜሪካዊ አክተርና ኮሜዲያን - ስለ ሬጋን አስተዳደር የተናገረው)

ስላቅን አለመፃፍ አስቸጋሪ ነው፡፡

ጁቬናል

(የሮማ ገጣሚ)

ሬዲዮ ማዳመጥ ከተውኩኝ በኋላ አስፕሪን ከመግዛት ባተረፍኩት ገንዘብ መኖር ችያለሁ፡፡

ፍሬድ አሌን

(አሜሪካዊ ኮሜዲያን)

ጦር ሠራዊቱን የማትጠቀምበት ከሆነ ለጥቂት ጊዜ ልዋስህ እወዳለሁ፡፡

አብርሃም ሊንከን

(የአሜሪካ ፕሬዚዳንት የነበሩ - በአሜሪካ የእርስ በርስ ጦርነት ወቅት የጀነራል ጆርጅ ቢ. ማክሌላን ያለ ወታደራዊ እንቅስቃሴ መቀመጥ አናዷቸው ከፃፉት ደብዳቤ የተወሰደ)

ኮሜዲ ለመስራት የሚያስፈልጉኝ:- መናፈሻ፣ ፖሊስና ቆንጆ ኮረዳ ብቻ ናቸው፡

ቻርሊ ቻፕሊን

(የብሪቲሽ አክተርና ዲሬክተር)

የእንግሊዝ ተመልካቾች ፊት መቅረብ ያስደስተኛል፡፡ መሳቅ ባያሰኛቸው እንኳን እንደገባቸው ለማሳየት ጭንቅላታቸውን ይነቀንቃሉ፡፡

ቦብ ሆፕ

(ትውልደ - ብሪቲሽ አሜሪካዊ ኮሜዲያንና

የፊልም ተዋናይ)

ኮሜዲ መድሃኒት ነው፡፡

ትሬቨር ግሪፊትዝ

(የብሪቲሽ ፀሐፌ ተውኔት)

የሰውን ልጅ ጅልነትና ክፋት ማሳየት የኮሚክ ገጣሚ ሥራ ነው፡፡

ዊሊያም ኮንግሪቭ

(እንግሊዛዊ ፀሐፌ ተውኔትና ገጣሚ)

ጣቴን ብቆርጥ ትራጄዲ ነው፡፡ ክፍት የውሃ መውረጃ ቱቦ ውስጥ ገብቼ ብሞት ግን ኮሜዲ ነው፡፡

ሜል ብሩክስ

(አሜሪካዊ የፊልም አክተርና ዲሬክተር)

 

 

Read 3312 times Last modified on Saturday, 11 February 2012 10:32