የወጣቱ ሰዓሊና መምህር ቃልኪዳን ሾቤ፣የስዕል ስራዎች ለእይታ የሚበቁበት ‹‹የጥሞና በሮች›› የስዕል አውደ ርዕይ የፊታችን ረቡዕ በአሊያንስ ኢትዮ-ፍራንሴዝ ከምሽቱ 12፡30  ይከፈታል፡፡ በአውደ ርዕዩ ላይ 26 ስዕሎች ለእይታ የሚቀርቡ ሲሆን ስዕሎቹ በዋናነት ጥሞናንና እርጋታን የሚያንጸባርቁ ናቸው ተብሏል፡፡፡ አውደ ርዕዩ ለቀጣዩ አንድ ወር ለተመልካች ክፍት ሆኖ እንደሚቆይም ታውቋል፡፡ ሰዓሊው ከዚህ ቀደም በግሉ፣በጋለሪያ ቶሞካና ሀዋሳ በሚገኘው ዶልቼ ቪታ ሬስቶራንት የስዕል ጋለሪ፣ ስራዎቹን ለእይታ ያበቃ ሲሆን የአሁኑ ብቻውን ሲያቀርብ ለሶስተኛ ጊዜ መሆኑ ነው፡፡ ከስምንት ጊዜ በላይም ስራዎቹን ከሌሎች ሰዓሊያን ጋር በጋራ  ለእይታ ማብቃቱን ለማወቅ ተችሏል፡፡