Monday, 05 March 2018 00:00

ጨረቃ የ4ጂ ሞባይል ስልክ፣ ኔትወርክ ሊዘረጋላት ነው

Written by 
Rate this item
(1 Vote)

ታላላቆቹ የአለማችን ኩባንያዎች የጀርመኑ ቮዳፎን፣ ኖኪያና አውዲ በመጪው አመት በጨረቃ ላይ ፈጣን የ4ጂ የሞባይል ስልክ ኔትወርክ ለመዘርጋት የሚያስችላቸውን ፈር-ቀዳጅ ፕሮጀክት በጋራ ስኬታማ ለማድረግ መነሳታቸውን ባለፈው ማክሰኞ አስታውቀዋል፡፡
የሰው ልጅ ወደ ጨረቃ በመጓዝ ድንቅ ታሪክ ከሰራ 50 አመታት ያህል መቆጠራቸውን ያስታወሰው ሮይተርስ፤ እነሆ አሁን ደግሞ የዘመናችን ሳይንቲስቶች፣ የኮሙኒኬሽን ቴክኖሎጂን ከምድር አልፈው ወደ ጨረቃ በማድረስ፣ ሌላ ታሪክ ሊሰሩ ነው ሲል ዘግቧል፡፡
ኩባንያዎቹ ተቀማጭነቱ በበርሊን ከሆነው ፒቲሳይንቲስትስ ከተባለው ኩባንያ ጋር በመተባበር በጨረቃ ላይ ሊዘረጉት ያቀዱትና በአይነቱ አዲስ የሆነው የሞባይል ስልክ ኔትወርክ፤ ከፍተኛ ጥራት ያላቸው የቪዲዮና የድምጽ መረጃዎችን በጨረቃና በመሬት መካከል ለመላላክ ያስችላል ተብሏል፡፡

Read 1902 times