በአለማችን 149 አገራት ላይ የተደረገን ጥናት ጠቅሶ ዴይሊ ሜይል እንደዘገበው፣ ሲንጋፖር ከአለማችን አገራት መካከል ደረጃውን የጠበቀ የጤና እንክብካቤ በመስጠት አቻ ያልተገኘላት፣ እጅግ ጤናማዋ አገር በመሆን የ2018 የፈረንጆች አመትን በቀዳሚነት አጠናቅቃለች፡፡
የአገራትን የጤና አገልግሎት መሰረተ ልማት፣ የበሽታዎች ክስተት መጠንና ሌሎች መስፈርቶችን መሰረት አድርጎ በወጣው የአመቱ የአለማችን አገራት የጤናማነት ደረጃ ዝርዝር፣ በሁለተኛነት የተቀመጠችው ሉግዘምበርግ ስትሆን፣ ጃፓን፣ ስዊዘርላንድና ኳታር እስከ አምስተና ያለውን ደረጃ ይዘዋል፡፡
በ2018 እጅግ ዝቅተኛ የሆነ የጤናማነት ደረጃን ይዘዋል ተብለው ከአንደኛ እስከ ሶስተኛ ያለውን ደረጃ የያዙት አገራት ደግሞ፣ የማዕከላዊ አፍሪካ ሪፐብሊክ፣ ቻድ እና ጊኒ ናቸው፡፡