ቀጣዩ 6ኛ ሀገራዊ  ምርጫ በግንቦት መጨረሻ ላይ ወይም በሰኔ ወር እንዲካሄድ የኢትዮጵያ ምርጫ ቦርድ ሃሳብ አቀረበ  ።
ባለፈው ዓመት ግንቦት ወር ላይ ሊካሄድ ታስቦ በኮቪድ-19 ሳቢያ የተላለፈው 6ኛው ሀገራዊ ምርጫ በመጪው ግንቦት  ወይም ሰኔ ቢካሄድ ምቹ መሆኑን ነው ቦርዱ የጠቆመው ። የእጩዎችና የመራጭ ምዝገባ በታህሳሰ ወር  ይካሄዳል ብሏል።
ቦርዱ ባቀረበው ሃሳብ፤ላይ በቀጣዩ የህዝብ ተወካዮች ም/ቤት ተወያይቶ ውሳኔ ያሳልፋል ተብሎ ይጠበቃል።
የኢትዮጵያ ብሔራዊ ምርጫ ቦርድ በአንድ ዓመት በተራዘመው ምርጫ፤ ከ90 በመቶ በላይ ዝግጅቱን ማጠናቀቁ የገለፀ ሲሆን በምርጫው 50 ሚሊዮን ኢትዮጵያውያን ይሳተፋሉ ተብሎ ይጠበቃል።
አብዛኞቹ የፖለቲካ ድርጅቶች በበኩላቸው፤ ከምርጫው በፊት ብሄራዊ መግባባት ይቅደም እያሉ ሲሆን ቦርዱ በቅርቡ ባቀረበው ሃሳብ  ባለፉት አምስት ምርጫ ተግባራዊ የተደረገውና  በህገ መንግስቱ የተቀመጠው የአብላጫ ድምጽ የምርጫ ስርአትን አሁን ላይ መለወጥ አስቸጋሪ ነው ብሏል።