ኤምባሲው ሌሎች እጩዎችንም ለስቴት ዲፓርትመንት ጠቁሞ የነበረ ሲሆን እጩዎችን ያወዳደረው ስቴት ዲፓርትመንቱ፤ ጋዜጠኛ ጽዮንን በመምረጥ በፕሮግራሙ ላይ እንድትሳተፍና አጓጊ የሆነውን የ2012 የአሜሪካ ፕሬዚዳንታዊ ምርጫን እንድትዘግብ ወስኗል፡፡
ፕሮግራሙ ለአንድ ወር የሚቆይ እንደሆነ ታውቋል፡፡
ጋዜጠኛ ጽዮን ግርማ “እንቢልታ” የተባለ የራሷን ጋዜጣ አቋቁማ በዋና አዘጋጅነት ትሠራ እንደነበር ይታወሳል፡፡
-
font size
decrease font size
increase font size
ላለፉት ዘጠኝ ዓመታት በተለያዩ የግል ጋዜጦች ላይ ከሪፖርተርነት እስከ ዋና አዘጋጅነት በመሥራት የምትታወቀው የአዲስ አድማስ አዘጋጅ ጋዜጠኛ ጽዮን ግርማ፤ ከሳምንት በኋላ በአሜሪካ የሚካሄደውን ፕሬዚዳንታዊ ምርጫ ለመዘገብ ተመርጣ ትላንት ወደ አሜሪካ ተጓዘች፡፡
የአሜሪካ ስቴት ዲፓርትመንት የኤድዋርድ ሙር የ2012 የጋዜጠኞች ፕሮግራም ተመራጭ የሆነችው ጋዜጠኛዋ፤ የአሜሪካን ምርጫ እና ሂደት ለመዘገብ ከተለያዩ አገራት ተጋብዘው ከሚመጡ ጋዜጠኞች ጋር የልምድ ልውውጥ የምታደርግ ሲሆን ታላላቅ የአሜሪካ የሚዲያ ተቋማትንና በጋዜጠኞች መጎብኘት አለባቸው የተባሉ ቦታዎችን እንደምትጐበኝ ታውቋል፡፡
Published in
ዜና
