በአፍሪካ ታሪክ ውስጥ ለአህጉሪቱ ነፃነት፣ አንድነትና እድገት ትልቅ አስተዋጽኦ ያደረጉ በርካታ መሪዎች አሉ። የ «African Peace Foundation» መረጃ እንደሚጠቁመው፣ ከአፍሪካ ምርጥ መሪዎች መካከል አምስቱ የሚከተሉት ናቸው፦
ኔልሰን ማንዴላ (ደቡብ አፍሪካ)፦ የደቡብ አፍሪካ የመጀመሪያው ጥቁር ፕሬዚዳንት በመሆን የዘረኝነት (አፓርታይድ) ስርዓትን ያበቁ መሪ ናቸው። በሰላም፣ በይቅርታና በዕርቅ ዓለም አቀፍ አርአያ ሆነዋል።
ክዋሜ ንክሩማህ (ጋና)፦ ጋና ከእንግሊዝ ግዛት ነፃ እንድትወጣ በመምራት አፍሪካውያን አንድ እንዲሆኑና ከቅኝ ግዛት እንዲወጡ ከፍተኛ አስተዋጽኦ አድርገዋል።
ቀዳማዊ ኃይለ ሥላሴ (ኢትዮጵያ)፦ የኢትዮጵያን ነፃነት በማስጠበቅ እና የአፍሪካ አንድነት ድርጅት (የአሁኑ አፍሪካ ህብረት) እንዲመሠረት በማድረግ ትልቅ ሚና ተጫውተዋል።
ጁሊየስ ኔሬሬ (ታንዛኒያ)፦ የታንዛኒያ የመጀመሪያው ፕሬዚዳንት የነበሩት ኔሬሬ ህዝባቸውን አንድ በማድረግ እና ሌሎች የአፍሪካ ሀገራት ነፃ እንዲወጡ በመደገፍ ይታወቃሉ።
ቶማስ ሳንካራ (ቡርኪና ፋሶ)፦ በሙስና ላይ በመታገል፣ የሴቶችን እኩልነት በማስከበር እና ሀገራቸው በራሷ አቅም እንድትቆም በማድረግ የሚታወቁ ቁርጠኛ መሪ ነበሩ።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
Published in
ኪነ-ጥበባዊ ዜና

