በአፍሪካ አህጉር ውስጥ የተለያዩ ማዕድናት፣ ሃብቶች እና የግብርና ምርቶችን በማምረት ረገድ ቀዳሚዎቹን ቦታዎች የያዙ ሀገራት ዝርዝር ከዚህ በታች ቀርቧል፦

ድፍድፍ ነዳጅ: ናይጄሪያ

ኮልታን (Coltan): ዲሞክራቲክ ሪፐብሊክ ኮንጎ

በቆሎ: ደቡብ አፍሪካ

ወርቅ: ጋና

አልማዝ: ቦትስዋና

ቦክሳይት (Bauxite): ጊኒ

እንጨት (Timber): ናይጄሪያ

ሩዝ: ናይጄሪያ

ዩራኒየም: ቦትስዋና

ፖም (Apple): ደቡብ አፍሪካ

ቲማቲም: ግብፅ

ጅንጅብል : ናይጄሪያ

ሐብሐብ: አልጄሪያ

ቴምር : ግብፅ

ሽንኩርት: ግብፅ

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የአፍሪካ ቁጥር አንድ ባለጸጋ አሊኮ ዳንጎቴ በምስራቅ አፍሪካ ትልቁን የ17 ቢሊዮን ዶላር የነዳጅ ማጣሪያ ፋብሪካ በኬንያ ላሙ ከተማ ሊገነባ ነው። ግዙፍ የግንባታ ማሽነሪዎችን የጫነው «ኤምቪ ዳ ያንግ» መርከብ ላሙ ወደብ መድረሱን ተከትሎ፣ የፋብሪካው የመሰረት ድንጋይ መጣል ስነ-ሰርዓት ከሁለት ቀን በኋላ ይካሄዳል። በዝግጅቱ ላይ የኬንያው ፕሬዚዳንት ዊሊያም ሩቶ እና አሊኮ ዳንጎቴ ይገኛሉ ተብሎ ይጠበቃል።

በቀን 700,000 ባርሬል ድፍድፍ ዘይት የማቀነባበር አቅም ይኖረዋል ተብሎ የታቀደው ይህ ማጣሪያ፣ ወደ 60,000 የሚጠጉ የስራ እድሎችን ይፈጥራል። ፕሮጀክቱ የምስራቅ አፍሪካን የኢኮኖሚ ገጽታ እና የኢነርጂ አቅርቦት በእጅጉ ይለውጠዋል ተብሎ ከፍተኛ ግምት ተሰጥቶታል።

ሐረር ከእስልምና ሃይማኖት አንጻር ከመካ፣ ከመዲና እና ከኢየሩሳሌም በመቀጠል አራተኛዋ ቅዱስ ከተማ ናት። በዙሪያዋ ግዙፍ ግንብ ያላት ይህች ጥንታዊት ከተማ በፈረንጆቹ 2006 በዩኔስኮ (UNESCO) የዓለም ቅርስነት ተመዝግባለች።

በከተማዋ አሮጌ ክፍል ውስጥ ከ10ኛው መቶ ክፍለ ዘመን ጀምሮ የቆዩ 82 መስጊዶች እና ከ100 በላይ መቃብሮች (ሽሪኖች) ይገኛሉ። በ13ኛው እና በ16ኛው ክፍለ ዘመን መካከል የተገነባው የድንጋይ ግንብ ከተማዋን የከበበ ሲሆን፣ ሐረር ማታ ማታ ለዱር ጅቦች ምግብ የሚሰጥበት ልዩ ባህሏም በዓለም አቀፍ ደረጃ እጅግ ታዋቂ አድርጓታል።

G.A-
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

1. የሚያውቅ እንዲሁም እንደሚያውቅ የወቀ ሰው....ይህ ሰው ምሁር ነውና በትዕግስት ከእርሱ እንማር!

2. የሚያውቅ ነገርግን እንደሚያውቅ የማያውቅ ሰው.... ይሄኛው ማወቁን ማስገንዘብ ይሻል እና አበክረን እናስገንዝበው!

3. የማያውቅ እና እንደማያውቅ የሚያውቅ ሰው....ይህ ሰው ተማሪ ነው እና አንድ ቀን ታላቅ ምሁር ስለሚሆን ያለማቋረጥ አናስተምረው!

4. የማያውቅ ነገር ግን እንደማያውቅ የማያውቅ ብሎም ለማወቅ ጉጉት የለለው ሰው......ይህ ሰው ያጠፋናል እና የሚነግረንን በጥንቃቄ እንፈትሽ!

???? ይሔው ነው!

#ጥበብ_እና_ማስተዋል_ለሰው_ልጆች_ሁሉ!

መስቀል መከራም ደስታም አለበት። ይህቺን ልጅ በበዓለ መስቀል በተካሔደው በበርሊን ማራቶን የመጨረሻ ኪሎ ሜትሮች ባየናት ጊዜ እንደ ሥጋ ለባሽ እንደዚያ ተሰምቶናል።

ለመንፈስ ጽናትሽ እጅ እንነሳለን።

ያንን ታላቅ ሰው ከጎኗ ሲደርስ ብናይ የአቃቢ መልአክ ያህል ሆኖ ታይቶን፥ የፍቅር ዕንባ ተፈታትኖናል። ለዚህ ትውልድ ቀና የማለት ምልክቶች ናችሁኮ!

በአማን ነጸረ-

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የኢትዮጵያ ስኩል ሚል ኢኒሼቲቭ (ESMI) ከዩኒሴፍ ድጋፍ ጋር በመተባበር እንዲሁም   ከድሬዳዋ ከተማ አስተዳደር ጋር በመሆን “ዘላቂ የትምህርት ቤት ምግብ በጀት ለተሻለ ትምህርት” በሚል መሪ ቃል በድሬዳዋ የተሰራውን የመጀመሪያ ምዕራፍ የትምህርት ቤት ምገባ ፕሮጀክት ከፊል ርክክብ አከናወነ።

ከባህላዊ የምገባ አሰራሮች በተለየ መልኩ የተዘጋጀው ይህ አዲስ ሞዴል፤ በተቋማዊ ነፃነት፣ በአካባቢያዊ ባለቤትነት፣ በአካባቢ ጥበቃና ዘላቂነት፣ እንዲሁም በተረጋገጡ የሕግና የፋይናንስ ማዕቀፎች ላይ ያተኮረ በመሆኑ በሀገሪቱ የመጀመሪያው አርአያ ሊሆን የሚችል ፕሮጀክት ተደርጎ ተወስዷል።

ይህ ሁሉን አቀፍ ፕሮግራም በአየር ንብረት ለውጥ ላይ የተመሰረተ እና በቀን እስከ 10,000 ተማሪዎችን መመገብ የሚችል ዘመናዊ የማዕከላዊ ማብሰያ ቤት፣ ጥልቅ የውኃ ጉድጓድ እና የጠብታ መስኖን ያካተተ የተቀናጀ የአየር ንብረት-ተስማሚ እርሻን አካትቷል። ከዚህም በተጨማሪ ከተማ አስተዳደሩ ከበጀቱ 3 በመቶ ለትምህርት ቤት ምገባ በመመደብ፣ ነፃ የትምህርት ቤት ምገባ ኤጀንሲ (School Feeding Agency) እና የትረስት ፈንድ በማቋቋም ለፕሮግራሙ ዘላቂነት ትልቅ መሰረት ጥሏል።

በቀጣይም ፕሮጀክቱን ወደሌሎች ክልሎች ለማስፋፋት እየተሰራ መሆኑን ከኢትዮጵያ ስኩል ሚል ኢንሼቲቭ ሐላፊዎች የተገኘው መረጃ ያመለክታል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የአሜሪካ ግምጃ ቤት ሀላፊ ስኮት ቤሴንት ለሲኤንቢሲ በሰጡት መግለጫ፣ የኢራን አየር መንገዶች ከአዲሱ ማዕቀብ ጋር ተያይዞ ከሴፕቴምበር 23 ጀምሮ በአለም አቀፍ ደረጃ መንቀሳቀስ እንደማይችሉ አስታወቁ። ሃላፊው አየር መንገዶቹ ማረፊያ፣ ነዳጅ እና የቲኬት ሽያጭ አገልግሎት እንደሚያጡ ገልጸው፣ በጠቅላላው ከዶላር ስርዓት ውጭ እንደሚሆኑ አጽንኦት ሰጥተዋል።

ይህ አዲስ ማዕቀብ የኢራንን አቪየሽን ዘርፍ የሚደግፉ ከኢራን ውጭ ያሉ አካላትንም የሚመለከት ሲሆን፤ ቀደም ሲልም በአውሮፕላን ግዢ፣ በመለዋወጫዎች እና በጥገና እጥረት ተዳክሞ በቆየው የሀገሪቱ የትራንስፖርት ዘርፍ ላይ ከፍተኛ ጉዳት ያደርሳል ተብሎ ይጠበቃል። በጉዳዩ ላይ የኢራን መንግሥት እስካሁን የሰጠው ምላሽ የለም።

አቢሲኒያ ስቲል በቢሾፍቱ ከተማ ለቀድሞ የድርጅቱ ሊቀመንበር የማሄንድራባይ ፓቴል መታሰቢያ የሚሆንና የሚሆንና ከ100 ሚሊዮን ብር በላይ ወጪ የተደረገበትን «ኤጂአይ» የመጀመሪያ ደረጃ ትምህርት ቤት ገንብቶ ለአካባቢው ማህበረሰብ አስረክቧል። በምርቃት ስነ-ስርዓቱ ላይ የኦሮሚያ ትምህርት ቢሮ ኃላፊ፣ የቢሾፍቱ ከተማ ከንቲባ፣ የኬንያ አምባሳደር እና ጥሪ የተደረገላቸው እንግዶች ተገኝተዋል።

ከውጭ ሀገር የገቡ ጥራት ያላቸው ቁሳቁሶች የተሟላለት ይህ ትምህርት ቤት ሙሉ በሙሉ በመንግስት ትምህርት ቤትነት የሚያገለግል ሲሆን፣ ተማሪዎችም በነጻ የሚማሩበት ነው። ትምህርት ቤቱ እስከ 380 ተማሪዎችን ከ1ኛ እስከ 4ኛ ክፍል ማስተናገድ የሚችል ሲሆን፣ ከኬጂ 1 እስከ ኬጂ 3 ያሉ 100 ህፃናትንም ተቀብሎ በማስተማር ላይ ይገኛል።

አቢሲኒያ ስቲል ለተማሪዎች ለአንድ ዓመት የሚሆን ሙሉ የምግብ እና የጥበቃ አገልግሎት ወጪዎችን እንደሚሸፍን ገልጿል። ድርጅቱ ከዚህ ቀደምም ለአካባቢው ነዋሪዎች የንጹህ መጠጥ ውሃ እና ለአቅመ ደካሞች ድጋፍ ሲያደርግ የቆየ ሲሆን፣ በኢትዮጵያ፣ በኬንያ እና በኡጋንዳ ተመሳሳይ የበጎ አድራጎት ስራዎችን እያከናወነ ይገኛል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

በኢትዮጵያ የጭነት ትራንስፖርት ዘርፍ አዲስ ምዕራፍ የሚከፍተውና የመጀመሪያው የሆነው የዲጂታል ጭነት አስተዳደር መድረክ "ጭነት" (ChiNet Transport Management System) በሳይንስ ሙዚየም ተመረቀ።

መተግበሪያው በአስጫኞች፣ በአጓጓዦች እና በደላሎች መካከል ያለውን የመረጃ ክፍተት በመድፈን፣ አጓጓዦች ጭነት ጭነው ከሄዱ በኋላ ተመላሽ ጭነት ሳያገኙ የሚደርስባቸውን እንግልት የሚቀርፍ አጠቃላይ ዲጂታል ገበያ ይፈጥራል።

ይህ መተግበሪያ አስጫኙ ጭነቱ የት እንዳለ በክትትል እንዲያውቅ፣ አጓጓዡ ከኢትዮጵያ እስከ ጂቡቲ በቀላሉ ጭነት እንዲያገኝ እና ደላሎችም ስራቸውን በአገር አቀፍ ደረጃ እንዲያሰፉ ያስችላል። ከዚህም ባለፈ የስፔር ፓርት አቅራቢዎች፣ የመኪና አከራዮች እና የሁለተኛ እጅ መኪና ሻጮች የሚገናኙበት ሰፊ የንግድ መድረክን አካትቷል።

የመድረኩ መስራች እና ዋና ሥራ አስፈጻሚ ብሩክ ላዕከ ራሳቸው የትራንስፖርት ባለቤት በመሆናቸው ችግሮቹን በቅርበት አውቀው መድረኩን እንዳዘጋጁት ተናግረዋል። አፕሊኬሽኑ በሁለቱም የሞባይል ማግኛዎች (ፕሌይስቶር እና አፕስቶር) በነጻ የሚገኝ ሲሆን፣ ለደህንነት ሲባል ተጠቃሚዎች ሕጋዊ ሰነዶቻቸውን አረጋግጠው በግልጽነት እንዲሰሩበት ተደርጎ ተዘጋጅቷል።