የቀድሞ የፌዴሬሽን ምክር ቤት አፈ ጉባኤ ወይዘሮ ኬርያ ኢብራሂም ከኢቲቪ ትግርኛ ጋር ባደረጉት ቆይታ፣ ሕገ ወጡ ሕወሓት በሙስና፣ በስልጣን ጥም እና በውስጥ ክፍፍል ሳቢያ ወደ ፈጣን መበስበስ ማምራቱን ገለጹ። ድርጅቱ ህዝባዊ ወገንተኝነቱን አጥቶ ስልጣንን ለግል ፍላጎት ማሳኪያ በማድረጉ እና ከሻዕቢያ ጋር አደገኛ ጥምረት በመፍጠሩ የትግራይን ህዝብ ለተጨማሪ ውድቀት እየዳረገው መሆኑን ጠቁመዋል። በጦርነቱ በተለይም ሴቶችና ህፃናት ማለቂያ የሌለው ስቃይ ማስተናገዳቸውን አንስተው፣ ህዝቡ መብቱ ተገፎ ለግል ጥቅም ሲባል ለጦርነት መማገዱን አውግዘዋል።

አሁን ያለው ትውልድ በቃ ሊል እንደሚገባ ያሳሰቡት ወይዘሮ ኬርያ፣ የትግራይ ህልውና ከእንግዲህ በደም መፋሰስ ሳይሆን በህግ የበላይነት፣ በዕውቀት እና በሳይንሳዊ እድገት ሊረጋገጥ እንደሚገባ አጽንኦት ሰጥተዋል። ሁሉም ወገን ለሰላም ቅድሚያ በመስጠት፣ ቂም በቀልን በማስወገድ እና በክብ ጠረጴዛ ውይይት ልዩነቶችን መፍታት እንዳለበት ጥሪ አቅርበዋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የኢትዮጵያ ብር ከአሜሪካ ዶላር አንፃር ታይቶ የማይታወቅ ዝቅተኛ ደረጃ ላይ መድረሱን ብሉምበርግ ዘግቧል። ማዕከላዊ ባንክ ምንዛሪውን ለመደገፍ በዚህ ዓመት 2.2 ቢሊዮን ዶላር ያህል ማውጣቱ ቢነገርም፣ እየጨመረ የመጣው የውጭ ገቢ ዕቃዎች ዋጋ እና ጠንካራ የውጭ ምንዛሪ ፍላጎት በምንዛሪ ተመን ላይ ከፍተኛ ግፊት ማሳደራቸውን ቀጥለዋል።

ብር በዚህ ዓመት 3.2 በመቶ በመዳከም ከአንድ ዶላር አንፃር ወደ 162 ብር ገደማ ዝቅ ብሏል። ይህም ባለፉት ዓመታት ብሉምበርግ ከሚከታተላቸው 23 የአፍሪካ ገንዘቦች መካከል ብር ዋጋው በጣም የወረደው ምንዛሪ እንዲሆን አድርጎታል። መንግሥት በ2024 ዓ.ም ካደረገው የምንዛሪ ተመን ማሻሻያ ወዲህ የገንዘቡ ዋጋ ማሽቆልቆሉን ቀጥሏል።

የስንዳርድ ቻርተርድ ባንክ ተወካይ ባይንተን-ግለን፣ የብር የመዳከም ፍጥነት እንደሚቀንስ የሚጠበቅ ሲሆን፣ በዓመቱ መጨረሻ የምንዛሪ መጠኑ ከአንድ ዶላር አንፃር 163 ብር ይደርሳል ብለው ይገምታሉ። የሲቲግሩፕ ዋና የአፍሪካ ኢኮኖሚስት ዴቪድ ኮዋን በበኩላቸው ለብሉምበርግ እንደተናغሩት፣ በዓመቱ መጨረሻ የብር ዋጋ ከአንድ ዶላር አንፃር ከ185 እስከ 195 ብር ሊደርስ እንደሚችል ይጠብቃሉ።

የኢትዮጵያ ሀገራዊ ምክክር ኮሚሽን ከስምንቱም ቡድኖች የተሰባሰቡ የመጨረሻ ግብዓቶችን በማካተት የተዘጋጀውን ሰነድ በነገው ዕለት ለዐራት ሺህ ተሳታፊዎች ሊያቀርብ መዘጋጀቱን አስታውቋል። የኮሚሽኑ ምክትል ዋና ኮሚሽነር ወይዘሮ ሒሩት ገብረስላሴ እንደገለጹት፣ አጀንዳዎችን በአንድ ወጥ ሰነድ የማዋቀሩ ስራ ከፍተኛ ጥንቃቄ የሚጠይቅ በመሆኑ በ120ዎቹ አጠናቃሪዎች አማካኝነት በታላቅ ትኩረት ሲሰራ ቆይቷል።

ህብረተሰቡ ከተዛቡ መረጃዎች እና ወሬዎች በመጠበቅ ትክክለኛ መረጃዎችን ለማግኘት የኮሚሽኑን ይፋዊ መግለጫዎች እና የታመኑ ሚዲያዎችን ብቻ እንዲከታተል ጥሪ ቀርቧል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

በ«ጽምዶ» ስብስብ ውስጥ የተጠቃለሉት ኃይሎች የጋራ ዓላማ ጸረ-ፌዴራል መንግሥት መሆን ብቻ እንጂ ዘላቂ ትብብር ሊሆን እንደማይችል የስምረት ፓርቲ የሥራ አስፈጻሚ አባል ፕሮፌሰር ክንደያ ገብረሕይወት ገለጹ።

ፕሮፌሰሩ ለጋዜጣ ፕላስ እንደተናገሩት፣ በታሪካቸው እርስ በእርስ ሲታኮሱ የነበሩ እነዚህ አካላት እያንዳንዳቸው የየራሳቸው ድብቅ አጀንዳ አላቸው። ለምሳሌ ሻዕቢያ ትግራይን የግጭት ማዕከል ለማድረግ ሲፈልግ፣ ግብፅ ደግሞ በኢትዮጵያ ላይ ያላትን ፍላጎት ለማራመድ እየተጠቀመችበት ትገኛለች።

ህገወጡ የሕወሓት ቡድንም ቀውሱ በሰፋ ቁጥር በፌዴራል መንግሥቱ ላይ ዓለም አቀፍ ጫና እንዲፈጠር እና የሥልጣን እድሜውን ለማራዘም እንደሚጥር ፕሮፌሰሩ አስረድተዋል። የተለያየ ዓላማ ያላቸው እነዚህ አካላት በዘላቂነት አብረው ሊዘልቁ እንደማይችሉ የጠቆሙት ፕሮፌሰሩ፣ ይህ ስብስብ ለትግራይ ሕዝብ ትልቅ ቀውስ የሚያመጣ መሆኑን አሳስበዋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

በ12.5 ቢሊዮን ዶላር ሊገነባ ለታቀደው አዲሱ የቢሾፍቱ ዓለም አቀፍ አየር ማረፊያ ፕሮጀክት ከተመረጡት ተወዳዳሪዎች መካከል አብዛኞቹ የቻይና ኩባንያዎች መሆናቸውን የኢትዮጵያ አየር መንገድ ገለጸ። ከቻይና ኩባንያዎች በተጨማሪ የቱርክ፣ ጣሊያን፣ ፈረንሳይና አሜሪካ ተቋማትም በእጩነት ማለፋቸው ታውቋል።

እነዚህ ኩባንያዎች የአየር ማረፊያውን ተርሚናል፣ ማኮብኮቢያ መንገዶች እና ሌሎች መሰረተ ልማቶች ለመገንባት ይወዳደራሉ። ተወዳዳሪዎቹ ዝግጅት ለማድረግ እና ገንዘብ ለማመቻቸት ተጨማሪ ጊዜ ስለጠየቁ፣ አሸናፊውን ኩባንያ የመለየት ሂደቱ እስከ ታኅሣሥ 2019 ዓ.ም መራዘሙን አየር መንገዱ አስታውቋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

ለሥነ-ጽሑፍ የነበራት ፍቅር ያስገኘላት ድል! ቪዮሌታ ሳዶቭስካ የተባለች ፖላንዳዊት ብሎገር፤ በደራሲያን እጅ የተፈረሙ 2,652 መጻሕፍትን በመሰብሰብ የዓለም ትልቁ ስብስብ ባለቤት በመሆን በጊነስ የዓለም መዝገብ ላይ ሰፍራለች። ከልጅነቷ ጀምሮ የጀመረችው ይህ የመጽሐፍ ማሰባሰብ ጉዞ አሁን ላይ ከ43 እስከ 65 ሚሊዮን ብር የሚገመት ውድ ቤተ-መጻሕፍትን ባለቤት አድርጓታል።

ይህ አስደናቂ ስብስብ ከጓደኞቿ፣ ከአታሚዎች እና በፖስታ ከተላኩላት ስጦታዎች የተሰበሰበ ነው። ቪዮሌታ ይህ ስኬት የሀገሯን የማንበብ ባህል ለዓለም ለማስተዋወቅ ትልቅ ብርታት እንደሆናት ገልጻ፣ ቀጣይዋ ትልቅ ሕልም የታዋቂውን ደራሲ ስቲቨን ኪንግን የተፈረመ መጽሐፍ ማግኘት እንደሆነ ተናግራለች።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas