Administrator

Administrator

Saturday, 01 August 2020 13:03

ማራኪ አንቀፅ

 የሚስቱን ግትርነት የታዘበው ጐልማሳው ሙሴ ሃኔቡ አድማው የምሳ ግብዣውንም ሆነ ሴንት-ቶማስን መጐብነትን እንደሚያደናቅፍ ሊነግራት አስቦ ከንቱ ልፋት ሲሆንበት ተወው፡፡
“ያዘጋጀውን ምግብ ለምን እንጥለዋለን? ደግሞም እነዚያን ሰዎች ለመጋበዝ መፈለጌን ታውቃለህ፡፡ ጋብቻው ቢፈፀም ደግሞ ከማንም በላይ ጥቅሙ ላንተው ነው:: ግብዣው የግድ ነውና፡ አትሞግተኝ” አለችው፡፡
የተጋለጠ ትከሻዋንና ከፊል እርቃን ደረቷን ተመለከተ፡፡ የጐልማሳው ባል ፊት ኮስታራ ቢሆንም የውስጣዊ የልቡን ፍርሃት ሸፍኖለታል፡፡
የእመቤት ሃኔቡ ሰውነት የአዋቂ ገላ ቢሆንም ዛሬም ስሜት የመቀስቀስ አቅሙን አላጣም፡፡ የስንዴ ማሳ ወርቃማ ቀለም ያለው ለስላሳ ቆዳዋን ሲመለከት ተወርውሮ ሊከመርባትና በጡቶቶ መካከል ፊቱን ሊቀብር ተመኘ፡፡ የተቀባችው ሽቶ እንዲሁም የመኝታ ቤቷ ጠረን የአማላይ ሴት መገለጫ ናቸው፡፡ የደም ስሩን የወጠረውን ስሜት ተቆጣጥሮ ምኞቱን ተወዉ፡፡ ለአስር አመታት ጥንዶቹ መኝታ ለይተዋል፡፡
“እሺ፤ እንዳቀድሽው ይቀጥላል” ብሏት ወጣ፡፡
ሙሴ-ሃኔቡ የተወለደው አርዲነስ ግዛት ውስጥ ቢሆንም የህፃንነት ዘመኑ አስቸጋሪ በመሆኑ ወላጆቹ በመሞታቸው ፖሪስ የህፃናት ማሳደጊያ ውስጥ ለመኖር ተገደደ:: የማዕድን ሙያ ማሰልጠኛ በመግባት በሃያ አራት አመት እድሜው ኢንጂነር በመሆን ሴንት -ባርቤ ማዕድን ማውጫን ተቀላቀለ:: ቅርንጫፍ ኢንጂነር በመሆን ፖስ-ዴ-ካላስ መኖር ጀመረ፡፡
ፖስ-ዴ-ካላስ ሳለ ነበር ከባለፀጋው የክር ፋብሪካ ባለቤት ልጅ ጋር ትዳር የመሰረተው፡፡ እመቤት ሃኔቡን ካገባ በኋላ ጥንዶቹ ለአስራ አምስት ዓመታት በዚያው ገጠራማ ግዛት ኖሩ፡፡ አመታቱ ለሁለቱ ተመሳሳይና እጅግ በጣም አሰልቺ ነበሩ:: መሰላቻቸቱን ለአፍታ የሚያስቀርላቸው አጋጣሚ አልነበረም፤ ልጅም አልወለዱም፡፡
የተቀናጣ ህይወት በመመኘት ያደገችው እመቤት ሃኔቡ የባሏን ስራም ሆነ ዝቅተኛ ደሞዝ በግልፅ መናቅ ጀመረች፡፡ የሁለቱ አለመጣጣም ቀጠለ፡፡ በመካከላቸውም የስጋ ፍላጎት መጋራት አልነበረም፡፡ የሚስቱ አካላዊ ቅርፅ ፍትወት ቀስቃሽ ነው፡፡ ገላዋን በጣም ቢወድላትም ቅሉ ተለያይተው ነበር የሚተኙት፡፡ ይህ ደግሞ ዘወትር ልቡን ያደማዋል፡፡ እመቤት ሃኔቡ በግልፅ የምትጎበኘው ውሽማ እንዳላት እያወቀ ባልየው አልተቃወማትም፡፡ የተሻለ መቀራረብ ለመፍጠር በመመኘት ፖሪስ የቢሮ ስራ አግኝቶ ይዟት ሄደ፡፡ ፖሪስ የሁለቱን መለያየት ይፋ ያደረገ ገጠመኝ ተፈጠረ፡፡ እመቤቲቱ በፖሪስ ህይወቷ ከባላገር ሴትነት ወደ ዘመናዊ ፋሽን ተከታይነት ተቀየረች፡፡ ለአስር አመታት በፖሪስ ከኖሩ በኋላ ሙሴ-ሃኔቡ በህይወታቸው ተሰላቸና ፍቺ ፈፀሙ፤ ከፍቺው በኋላ ሚስቱ በሃዘን መጎዳቷን አይቶ የሞንሱ ማዕድን ኩባንያ ሃላፊ የመሆን እድል ሲያገኝ ይዟት ለመሄድ ወሰነ፡፡
ባልና ሚስቱ የሞንሱ ቆይታቸው ስድስት ወር እንዳለፈው ወደ ቀድሞው መሰላቸት ተመለሱ፡፡ እመቤት ሃኔቡ ለወራት ራሷን ነጥላ ከረመች፡፡ ከመንፈቅ በኋላ ለግዜ ማሳለፊያ ያሰበችውን የቤት ማስዋብ ስራ ተያያዘችው፡፡ የቤቱ ውበት እስከ ሊል ከተማ ድረስ ተደነቀላት፡፡ ብዙም ሳይቆይ ግን በድጋሚ ሰለቻት፡፡
ባለቤቷ ላይ መነጫነጭ ቀጠለች፡፡ ለአርባ ሺህ ፍራንክ ደሞዝ ብሎ የእርሷን ህይወት እንዳባከነ መናገር ሁሉ ጀመረች፡፡ ባሏ እንደ እኩዮቹ ትልቅ ህልም የለሽ መሆኑ አበሳጫት፡፡ የማዕድን ኩባንያ አክሲዮን ድርሻ እንዲኖረው አለመፈለጉ የባሰ ያነጫንጫት ቀጠለ፡፡
ሙሴ ሃኔቡ ምላሽ ያጣ ስሜቱን ለመሸሽ ራሱን በስራ ውስጥ መደበቅ ቀጥሏል:: እድሜው ሲጨምር የሥጋ አምሮቱ ከፍተኛ ሆነበት ፡፡ ሚስቱ የእርሱ ያለመሆኗ ደግሞ የበለጠ አሰቃየው፡፡ እርሱ በስሩ ሊያደርጋትና የጥማቱ ተገዥ አድርጎ ሊቆጣጠራት ቢሻም ሚስቱ በአንፃሩ ራሷን ለሌላ ወንድ አሳልፋ መስጠቷን ቀጠለች፡፡
ዘወትር ማለዳ ከአልጋው ሲወርድ የሚያስበው ነገር የሚስቱን ስሜት አንበርክኮ ማሸነፍ ነው፡፡ ሆኖም በቀዝቃዛ አይኖቿ ስትመከከተውና የልቧን እንቢተኝነት ስታሳየው እጇን መንካት አቆመ፡፡ ለስድስት ወራት ባል ስጋዊ ደስታ በማጣት ተሰቃየ፡፡ እመቤት ሃኔቡም ቤቱን አስውባ ስትጨርስ ወደቀድሞው አሰልቺ ህይወቷ ተመለሰች፡፡ ሞት የተሻለ አማራጭ መሆኑ ተሰማት፡፡

 ባለፉት 3 ወራት ሬኖ 8.58 ቢ. ዶላር፣ ሼል 18.3 ቢ. ዶላር ከስረዋል

             የቻይናው የሞባይል አምራች ኩባንያ ሁዋዌ ለረጅም አመታት በሳምሰንግ ተይዞ የነበረውን የአለማችን ቁጥር አንድ የሞባይል አምራች ኩባንያ ክብር መንጠቁን አጃንስ ፍራንስ ፕሬስ ዘግቧል፡፡
ካናሊስ የተባለው አለማቀፍ የጥናት ተቋም ከሰሞኑ ያወጣውን ሪፖርት ጠቅሶ ዘገባው አንዳለው ሁዋዌ እስካለፈው ሰኔ ወር በነበሩት ሶስት ወራት ጊዜ ውስጥ ብቻ 55.8 ሚሊዮን ሞባይሎችን በመሸጥ ነው በታሪኩ ለመጀመሪያ ጊዜ በአለማቀፉ የስማርት ስልኮች ገበያ ድርሻ ቀዳሚነቱን የያዘው፡፡
የደቡብ ኮርያው ሳምሰንግ በተጠቀሰው ጊዜ 53.7 ሚሊዮን ሞባይሎችን ብቻ በመሸጥ ለመጀመሪያ ጊዜ ወደ ሁለተኛነት ደረጃ ዝቅ ቢልም፣ በኮሮና ቫይረስ ወረርሽኝ ሳቢያ በመላው አለም በርካታ ሰዎች በቤታቸው ሆነው ስራቸውን ለመስራትና በርቀት ለመማር ከመገደዳቸው ጋር በተያያዘ ገቢውና ትርፉ እንደጨመረለት ኩባንያው አስታውቋል፡፡
ሳምሰንግ በዚህ አመት ያገኘው ትርፍ ካለፈው አመት ጋር ሲወዳደር በ23 በመቶ ጭማሬ ማሳየቱንና አብዛኛውን ትርፍ ሊያገኝ የቻለው በኮምፒውተር መለዋወጫና የመረጃ ቋት ምርቶቹ ሽያጭ መሆኑንም ከሰሞኑ ባወጣው መግለጫ ማስታወቁ ተነግሯል፡፡
በሌሎች የቢዝነስ ዜናዎች ደግሞ፣ ታዋቂው የፈረንሳይ የመኪና አምራች ኩባንያ ሬኖ ከኮሮና ቫይረስ ጋር በተያያዘ መደብሮቹንና ፋብሪካዎችን ለሳምንታት ለመዝጋት መገደዱን ተከትሎ ሽያጩ ከ33 በመቶ በላይ ቅናሽ ማሳየቱንና በዚህም በታሪኩ ለመጀመሪያ ጊዜ የ8.58 ቢሊዮን ዶላር የመንፈቅ አመት ኪሳራ እንዳጋጠመው ከሰሞኑ አስታውቋል፡፡
ታዋቂው የነዳጅ ኩባንያ ሼል በበኩሉ የነዳጅና የዘይት ዋጋ በከፍተኛ ሁኔታ ከማሽቆልቆሉ ጋር በተያያዘ ባለፉተት ሶስት ወራት ብቻ የ18.3 ቢሊዮን ዶላር ኪሳራ እንዳጋጠመው ባለፈው ረቡዕ ባወጣው መግለጫ ማስታወቁን ያስነበበው ብሉምበርግ፣ ቶታል ኩባንያ በበኩሉ በተጠቀሰው ጊዜ የ126 ሚሊዮን ዶላር ትርፍ ማስመዝገቡን አመልክቷል፡፡

  በ2019 የፈረንጆች አመት ብቻ በአፍሪካ በኩል ሜዲትራኒያን ባህርን አቋርጠው ወደአውሮፓ አገራት ለመግባት በጉዞ ላይ የነበሩ ከ1ሺህ 750 በላይ ስደተኞች በጉዞ ላይ ሳሉ ለሞት መዳረጋቸውን ተመድ አስታውቋል፡፡
የተባበሩት መንግስታት ድርጅት የስደተኞች ከፍተኛ ኪሚሽን ከሰሞኑ ባወጣው አዲስ ሪፖርት እንዳለው፣ በአመቱ በወር ቢያንስ 72 ስደተኞች በሰሃራ በረሃ እና በሊቢያ በኩል አድርገው ሜዲትራኒያን ባህርን በመሻገር ወደ አውሮፓ አገራት ለመግባት ሲሞክሩ ለሞት ተዳርገዋል፡፡
ስደተኞቹ ህገወጥ የሰዎች አዘዋዋሪዎች፣ የድንበር ጠባቂዎች፣ ታጣቂዎችና ፖሊሶችን ጨምሮ በተለያዩ አካላት ከፍተኛ የሰብዓዊ መብቶች ጥሰቶችና የተለያዩ አካላዊ ጥቃቶች እንደሚደርሱባቸው የጠቆመው ሪፖርቱ፣ የጥቃት መጠኑ ከጊዜ ወደ ጊዜ በከፍተኛ ሁኔታ ማደጉንም አብራርቷል፡፡


 የቫይረሱ ተጠቂዎች ቁጥር ከ17.2 ሚሊዮን አልፏል


             የአለም ጤና ድርጅት ዋና ዳይሬክተር ዶ/ር ቴዎድሮስ አድሃኖም የኮሮና ቫይረስ ወረርሽኝ አለማችን ከዚህ ቀደም ከገጠሟትና በአደገኛነት ከተመዘገቡ የጤና ቀውሶች ሁሉ እጅግ የከፋው እንደሆነና ተባብሶ በቀጠለው በዚህ አደገኛ ወረርሽኝ የተያዙ ሰዎች ቁጥር ባለፉት ስድስት ሳምንታት በእጥፍ መጨመሩን ባስታወቁበት በዚህ ሳምንት፣ በቫይረሱ የተጠቁ ሰዎች ቁጥር ከ17 ሚሊዮን እንዳለፈ ተነግሯል፡፡
ቫይረሱ እስካለፈው ሃሙስ አመሻሽ ድረስ በመላው አለም ከ17.2 ሚሊዮን በላይ ሰዎችን ማጥቃቱንና ከ671 ሺህ በላይ ሰዎችን ደግሞ ለህልፈተ ህይወት መዳረጉን ያስነበበው ዎርልዶ ሜትር ድረገጽ፣ በአለም ዙሪያ ከቫይረሱ ያገገሙ ሰዎች ቁጥርም ከ10.7 ሚሊዮን ማለፉን አመልክቷል፡፡
ከቫይረሱ ተጠቂዎችም ሆነ ሟቾች ቁጥር ከአለማችን አገራት በቀዳሚነት በዘለቀችው አሜሪካ ቫይረሱ እስከተጠቀሰው ጊዜ ድረስ ከ4.57 ሚሊዮን በላይ ሰዎችን ሲያጠቃ፣ የሟቾች ቁጥርም ወደ 154 ሺህ መቃረቡን መረጃዎች ይጠቁማሉ፡፡
ብራዚል በ2.5 ሚሊዮን ተጠቂዎችና ከ90 ሺህ በላይ ሟቾች በሁለተኛነት ስትከተል፣ 1.59 ሚሊዮን ሰዎች የተጠቁባት ህንድ በተጠቂዎች ብዛት ሶስተኛ ደረጃን፣ ከ45 ሺህ በላይ ሰዎች ለሞት የተዳረጉባት ሜክሲኮ ደግሞ በሟቾች ብዛት በሶስተኛ ደረጃ ላይ እንደምትገኝም ተነግሯል፡፡
በአፍሪካ አህጉር እስካለፈው ሃሙስ አመሻሽ በቫይረሱ የተጠቁ ሰዎች ቁጥር ወደ 900 ሺህ መቃረቡን የዘገበው አናዶሉ ኤጀንሲ፣ የሟቾች ቁጥር በበኩሉ ወደ 19 ሺህ መጠጋቱን አስነብቧል፡፡
ደቡብ አፍሪካ በ7 ሺህ 500፣ ግብጽ በ4 ሺህ 800፣ አልጀሪያ በ1ሺህ 186 የኮሮና ቫይረስ ሟቾች በአህጉሪቱ ከፍተኛ ቁጥር ያላቸው ሰዎች ለሞት የተዳረጉባቸው ቀዳሚዎቹ ሶስት አገራት መሆናቸውን የጠቆመው ዘገባው፣ በተጠቂዎች ቁጥር ደግሞ ደቡብ አፍሪካ በ471 ሺህ፣ ግብጽ በ93 ሺህ፣ ናይጀሪያ በ42 ሺህ እስከ ሶስተኛ ያለውን ደረጃ ይዘዋል ብሏል፡፡
ቫይረሱ በከፍተኛ ፍጥነት እየተስፋፋ በሚገኝባት አፍሪካ በቅርብ ጊዜያት የኮሮና ቫይረስ መከላከያ ቁሳቁስ እጥረት ሊያጋጥም እንደሚችል የአፍሪካ በሽታ መቆጣጠርና መከላከል ማዕከል ማስታወቁን የዘገበው ቢቢሲ፣ አገራቱ በዓለም አቀፍ ደረጃ ባለው የአቅርቦት ሰንሰለት ችግር ምክንያት ሊያጋጥማቸው የሚችለውን የኮሮና ቫይረስ መከላከያ ቁስቁስ እጥረት ለመቅረፍ ሊዘጋጁ እንደሚገባ መነገሩን አመልክቷል፡፡
በአፍሪካ የኮሮና ቫይረስ መከላከያ ቁሳቁሶች እጥረት ቀደም ብሎም እንደነበር ያስታወሰው ዘገባው፣ እጥረቱ መባባሱ አፍሪካ የኮሮና ቫይረስ ስርጭትን ለመቆጣጠር በምታደርገው ጥረት ላይ እንቅፋት እንዳይፈጥር በብዙዎች ዘንድ ስጋት መፍጠሩንም አክሎ ገልጧል፡፡
የአለማችን ኢኮኖሚ ዕድገት ከኮሮና ቫይረስ ወረርሽኝ ቀውስ ጋር በተያያዘ በዘንድሮው አመት በታሪኩ ከፍተኛውን የ33 በመቶ ቅናሽ ማስመዝገቡን ፎርብስ መጽሄት የዘገበ ሲሆን፣ አለማቀፉ የቱሪዝም ኢንዱስትሪ በበኩሉ እስከ ግንቦት በነበሩት ያለፉት ስድስት ወራት ጊዜ ውስጥ ብቻ 320 ቢሊዮን ዶላር ያህል እንዳጣ የተባበሩት መንግሥታት የአለም ቱሪዝም ድርጅት ማስታወቁን ቢቢሲ ዘግቧል፡፡
ድርጅቱ ከሰሞኑ ያወጣውን ሪፖርት ጠቅሶ ዘገባው እንዳለው፣ በአለማችን የተለያዩ አገራት ከኮሮና ቫይረስ ስጋት ጋር በተያያዘ የእንቅስቃሴ ገደቦች በመጣላቸው በተጠቀሰው ጊዜ ውስጥ የጎብኚዎች ቁጥር በአለማቀፍ ደረጃ በ300 ሚሊዮን ያህል ቀንሷል፡፡
የአለማችን ባንኮች ከኮሮና ቫይረስ ወረርሽኝ ቀውስ ጋር በተያያዘ ለደንበኞች ከሰጡት ብድር እስከ 2021 አመት መጨረሻ ሊያገኙት የሚገባውን 2 ትሪሊዮን ዶላር ሊያጡ እንደሚችሉ መነገሩን ቢዝነስ ስታንዳርድ የዘገበ ሲሆን፤ የፎቶግራፍ ካሜራዎችን፣ ማተሚያ ማሽኖችንና ፊልሞችን በማምረት የሚታወቀው የአሜሪካው ታዋቂ ኩባንያ ኮዳክ፣ የኮሮና ቫይረስ ወረርሽኝን ለመከላከል በማሰብ ከመደበኛ ስራው ውጭ መድሃኒት ወደ ማምረት መግባቱንም ሮይተርስ ባወጣው ዘገባ አስነብቧል፡፡



    ሃገሪቱ ወደ ከፋ ቀውስ ውስጥ ከመግባቷ በፊት የእምነት አባቶች ፣ የሃገር ሽማግሌዎች፣ ተፅዕኖ ፈጣሪ ግለሰቦች ፣ምክንያታዊ አክቲቪስቶችና የዲፕሎማሲ ተቋማት፤ መንግስት ፖለቲካዊ መፍትሄ የሚገኝበት የውይይት መድረክ እንዲያመቻች ተፅዕኖ ይፈጥሩ ዘንድ ኢዴፓ ጠየቀ፡፡
የኢትዮጵያን ዴሞክራሲያዊ ፓርቲ (ኢዴፓ) የፓርቲውን መስራችና የማዕከላዊ ኮሚቴ አባል አቶ ልደቱ አያሌውን እስር በተቃወመበት መግለጫው፤ ለሃገሪቱ ከቀውስ መውጫ ሁነኛ የፖለቲካ መፍትሄ የሚገኝበት፣ ሁሉን አቀፍ ውይይት ማካሄድ ነው ባሏል፡፡
የአርቲስት ሃጫሉ ሁንዴሳ ግድያን ተከትሎ፣ ከተፈጠሩ ሁከትና ብጥብጦች ማግስት፣ አቶ ልደቱን  ጨምሮ የተቃዋሚ ፖለቲካ አመራሮችን ኢላማ ያደረገ እስራት ተፈፅሟል ያለው ፓርቲው፤ ከሁከትና ብጥብጥ ጋር ምንም ግንኙነት የሌላቸውን የሃሳብ ሰዎች ማሰር በአስቸኳይ ሊቆም ይገባል ባሏል፡፡
ሃገሪቱ አሁን ከገባችበት የቀውስ አዙሪት መውጣት የምትችለውም በውይይት ወደ መዋቅራዊ ሽግግር ስታመራ መሆኑን የገለፀው ኢዴፓ፤ ለዚህ አይነቱ መድረክ መንግስት ቀና ምላሽ እንዲሰጥ ኢዴፓ ጠይቋል፡፡ መንግስት ሃገሪቱን ወደነበረችበት የአፈና መንገድ ሊመለስ የሚችለው የጭፍን እርምጃ ትቶ በለውጡ መባቻ ላይ ለህዝቡና ለፖለቲካ ሃይሎች ቃል ገብቶ የነበረውን ሃሳብን በነፃነት የመግለፅ መብት ማስከበር አለበት ብሏል - ፓርቲው፡፡
የግልና የመንግስት መገናኛ ብዙሃን፣ ባለፉት 27 ዓመታት ከተለመደው በጭፍን የመደገፍና በጭፍን የመቃወም  ባህሪ ተላቀው፣ ሞያዊ ሃላፊነታቸውን በአግባቡ እንዲወጡ ጥሪ አቅርቧል - ኢዴፓ፡፡

Saturday, 01 August 2020 11:36

ዕዳ ከሜዳ!

  ከዕለታት አንድ ቀን፣ አንድ አዝማሪ፣ በአንድ ገጠር ውስጥ ከሚስቱ ጋር ይኖር ነበር:: ሚስቱ ህልም ባየች ቁጥር ጠዋት ሲነሱ፤ “ዛሬ ምን ህልም አየሁ መሰለህ?” ትለዋለች፡፡
አዝማሪ - “ምን ህልም አየሽ?”
ሚስት - “በጣም ትልቅ አውሎ - ንፋስ አየሩን ሲያናውጠው፤ ከሥር ደግሞ መሬቱ ጐርፍ በጐርፍ ተጥለቅልቆ፣ ህዝብ መጠጊያ አጥቶ፤ ሲራወጥ አየሁ፤ እኔ አገሩን ጥዬ ጠፋሁ”
አዝማሪው - "መምሩን እንጥራና ይፍቱልን፣ ይሄ ከባድ ህልም ይመስላል፡፡”
ይልና ከጐረቤት መምሩን ይጠራል፡፡ መምሩ ይመጣሉ፡፡ ሚስትየው ህልሟን ትነግራቸዋለች:: እንደ ሁልጊዜው ትንሽ ይፀልዩና የህልም ፍቺያቸውን ይጀምራሉ፡፡
መምሩ - “ይሄ መልካም ነው፡፡ አውሎ ነፋሱ ረሀብ ነው፤ ስለዚህ ምግብ አጠራቅሙ:: ጐርፉ በሠፈሩ ላይ ጦርነት ሊመጣ ነው ማለት ነው፡፡ በመጨረሻ መጥፋትሽ ግን ትልቅ መልዕክት አለው፡፡ በተቃራኒው ነው የሚፈታው፡፡ ከቤት አትውጪ ማለቱ ነው፡፡ ስለዚህ አንቺም ባልሺም ከቤት አትውጡ፡፡ እንዳትነቃነቁ ዕዳ ከሜዳ ነው የሚመጣው” ብለው ይሄዳሉ፡፡
አዝማሪው ወደ ጫካ ሄዶ ክራር መጫወት አምሮታል፡፡
 ሚስትየውም - “ተው አትውጣ፤ መምሩ ዕዳ ከሜዳ” ነው የሚመጣው ብለዋል’ኮ” ትለዋለች::
አዝማሪው ግን አንዴ ልቡ ተነስቷልና ክራሩን ይዞ ወደ ጫካ ይሄዳል፡፡ ጫካ ውስጥ አንድ ትልቅ ዛፍ ያገኝና፤ ከሥሩ ይቀመጥና ግንዱን ተደግፎ ክራሩን ይጫወታል፡፡ ከጀርባው ብዙ የበሬ ሥጋ በሰሌን ላይ ተዝረክርኮ ይታያል፡፡ እሱ ሥጋ መኖሩን አላየም፡፡
በመካከል የሰዎች ሁካታ ድምጽ ይሰማል፡፡ ወዲያው ድምፃቸውን የሰማቸው ሰዎች ይመጣሉ::
“ይሄ ነው ሌላው ደሞ፤ የጥጋቡ ጥጋብ በሬያችንን ሰርቆ፣ አርዶ፣ በልቶ የተረፈውን ይሄው ከጀርባው አስቀምጦ፣ እሱ ክራሩን ይከረክራል”
ብለው አስነስተው እንዳይሞት እንዳይድን አድርገው ይቀጠቅጡታል፡፡ ለካ በሬያቸውን የሰረቁት ሌቦች ጫካ አምጥተው፤ አርደው በልተው፣ የተረፋቸውን ትተው ሄደው ኖሯል::
አዝማሪው እንዳይሆን ሆኖ ደማምቶ፣ ቆሳስሎ ቤት ሲሄድ፤ ሚስቱ ደንግጣ፤ “ምን ሆነህ ነው?” ብላ ጠየቀችው፡፡ አዝማሪውም የሆነውን ሁሉ ነገራት፡፡
ሚስቲቱም፤ “ይሄውልህ፤ መምሩ ህልሜን በትክክል ነው የፈቱት፤ “ዕዳ ከሜዳ ነው የሚመጣው፤ ከቤት አትውጡ” ብለውን አልነበረም” አለችው፤ ይባላል፡፡
*   *   *
የሰው ነገር መስማትና ቢያንስ ልክ ነው፤ ልክ አይደለም ብሎ መጠራጠር መልካም ነው:: አንዳንድ ሰዎች፣ አንዳንድ ነገር ከመከሰቱ በፊት ይታያቸዋል”፡፡ ስለሆነም ያስጠነቅቃሉ:: በዕውኑ ዓለም ከመሆኑ በፊት ምልክት የሚሰጥና በምክንና በውጤት ስሌት ሊደረስበት የማይችል ጉዳይ ያጋጥማል፡፡ እህ ብሎ ማዳመጥ ከብዙ መዘዝ ያድናል:: ከብዙ ጣጣ ያድናል፡፡ ፈረንጆች “Coming events cast their shadow” ይላሉ፡፡ ነገ የሚመጣው ነገር ዛሬ አስቀድሞ ጥላውን ይጥላል እንደ ማለት ነው፡፡ መጠንቀቅ መልካም ነው ማለት ነው፡፡ አይመጣምን ትተሽ ይመጣልን ጨምሪበት እንደተባለው ነው፤ ከፊሉ እየተራጠረው ከፊሉ ተሸጧል ሲለው ከፊሉ ከናካቴው አይሆንም ሲለው የከፋው ሰው ቢኖርም ባይኖርም የግድቡ ሙሌት ተጀምሯል፡፡ ተስፋ ሰጪ ነው መጨረሻው ይናፍቃል:: ወጣም ወረደም ለሀገራችን ኢኮኖሚ አከርካሪ አጥንት በመሆኑ ዕድገትን ማመላከቱ ግልጽ ነው:: ትዕግስት፣ ጥበብ፣ ታታሪነትና ጥንቃቄ አሁንም ወሳኝ ነው
የሀገራችን የኢኮኖሚ ችግር ዘርፈ ብዙ ነው፡፡ ሥራ አጥነቱ እንዳገጠጠ ነው፡፡ የኑሮ ውድነቱ እየተባባሰ ነው፡፡ አቅርቦትና ፍላጐት ርቀታቸው የትየለሌ ነው፡፡ የወጣቱ ትግል እየጨለመ መሄድ ብቻ በመሆኑ፤
“ደሞም ማወቅ ማለት…
ከውጪ ያለውን፣ ሄዶ ከመፈለግ
ከውስጥ የበራውን እንዲወጣ ማድረግ"
የሚለው መልዕክት፤ ገና አልሰረፀበትም፡፡ በሰዓቱ ችግርን መረዳት ግማሽ መንገድ እንደተጓዝን ይቆጠራል፡፡ ከዚያ በሰዓቱ ማቀድ በሰዓቱ መፈፀምና በሰዓቱ ውጤቱን መገምገም::
አበው ሲመርቁ፤
“ትምርትህን ይግለጥልህ” ብለው ነው፡፡ ከዚያም “መጨረሻውን ያሳምርልህ” ብለው ነው የሚደመድሙት፡፡ ጅምርህ እንዳማረው፣ ፍፃሜውም የተባረከ ይሁንልህ እንደ ማለት ነው፡፡ ትምህርታችንን ይገልጥልን ዘንድ ችግሩ እንዲገባን፣ እጥረቱ እንዲሰማን ያስፈልጋል:: ያ ደግሞ እንዲገባን እጥረቱ እንዲሰማን ያስፈልጋል፡፡ ያ ደግሞ እንዲሰርጽብን ከልብ አገርን መውደድና ከልብ ለህዝብ መቆርቆርን ይጠይቃል፡፡ መካያውም፤ “ምን ተባብለን ነበር? የት ደርሰናል?” ማለት የአባት ነው፡፡ አንድ የፍቅር የምንለው ነገር ግን ለሀገር ጉዳይ ሊያገለግለን የሚችል ግጥም አለ፤
“ተማምለን ነበር እንዳናቀላፋ
ተኝተሽ ተገኘሽ መተማመን ጠፋ”
የዘፈን ግጥም ይሁን እንጂ ህይወትንና አገርን አሻግረን ልናይ የምንችልበት ነው:: መማማል፤ ማቀድ ነው፡፡ አደራ መባባል ነው፡፡ ማንቀላፋት፣ መስነፍ ነው፡፡ አለመሥራት ነው፡፡ መተኛት ኋላ መቅረት ነው፤ ዳተኛ መሆን ነው፡፡ ቃልን አለማክበር ካለ፣ መተማመን ይጠፋል፤ ዕምነት ይጐድላል፡፡ ዕምነት ማጉደል ከሙስናም ጋር ይያያዛል፤ "ዕምነት ሲታመም፣ ሺ ወረቀት መፈራረም" ይላል፤ ሎሬት ፀጋዬ ገ/መድህን:: አካባቢን አለማስተዋል፣ ግራ ቀኙን አለማየት፤ ዙሪያ  መለስ አስተሳሰብ አለማዳበር፤ ዕዳ ከሜዳ መኖሩን እንድንዘነጋ ያደርገናል፡፡ ሜዳው ላይ ሌብነት እንዳለ አለማየት፣ ንብረታችን እንደሚሠረቅ አመላካች ነው፡፡ ሜዳው ላይ ብዙ ኢ-ፍትሐዊ ነገር እንደሚፈፀም አለማስተዋል፣ ህጋዊ መንገድን ልብ እንዳንል ያደርገናል፡፡ ሜዳው ላይ ኮሮና እንደሚጠብቀን መዘንጋት፣ ዕዳው የህይወትን ዋጋ የመክፈል ያህል ይሆንብናል፡፡ ካለማስተዋል፣ ካለመጠንቀቅና ከቸልተኝነት የሚመነጩ፣ ለአገርም ለህዝብም የማይበጁ አያሌ ዕዳ - ከሜዳዎች እንዳሉብን አውቀን፣ ለነገ እንብቃ!!   

On Wednesday, four of the biggest names in tech will give evidence to members of the US Congress.

Mark Zuckerberg (Facebook), Sundar Pichai (Google), Tim Cook (Apple) and Jeff Bezos (Amazon) will all be grilled.

Jeff Bezos - the world's richest man - has never testified before either house. They have never all been quizzed together.  How these tech bosses do, how they stand up to scrutiny, could be a defining moment in their future relationship with government.

Central to the interrogation will be whether these tech giants are simply too big.

The Covid pandemic has put this into sharp focus. Where other companies have struggled, Big Tech companies have thrived. Together they are now worth $5tn dollars. It's led to accusations that - just like the banks - they are simply too big to fail.

The number of complaints levelled at these companies are so numerous, they are too many to name individually here.

What are they likely to say?

In pre-released comments, Mark Zuckerberg argued that Facebook had become successful "the American way" - providing products that people find valuable after starting with nothing.

"Our story would not have been possible without US laws that encourage competition and innovation," he said.

But he acknowledged that there were concerns about the size and perceived power of technology companies and that there should be a more active role for governments and regulators - and updated rules for the internet.

Jeff Bezos posted his opening statement to Congress.

"At Amazon, customer obsession has made us what we are, and allowed us to do ever greater things," he said.

"I know what Amazon could do when we were 10 people. I know what we could do when we were 1,000 people, and when we were 10,000 people. And I know what we can do today when we're nearly a million."

"I believe Amazon should be scrutinized," he added. "We should scrutinize all large institutions, whether they're companies, government agencies, or non-profits. Our responsibility is to make sure we pass such scrutiny with flying colors."

Commanding position

The general theme is that these companies don't just run services - they own the internet's utilities. The charge is that they use that commanding position unfairly at the expense of others.

Take one of the criticisms against Amazon, for example, that it promotes its own products over others on its Amazon marketplace.

Or Apple charging a 30% cut on the money generated from apps that use the App Store.

The complaint from app makers: where else do we go to sell our apps? Apple and Google (which respectively own iOS and Android, the operating systems of almost all the world's smartphones) control the market, and so control who gets to play and who doesn't. And they of course get to set the charges.

Google too, with its dominant search engine, has been accused (and fined) before, for burying competitor searches. Once again, the accusation is that no one company should have such a commanding position in an essential part of our internet.

And there are general criticisms that can be levelled at all the tech giants too. For example the alleged Copy/Acquire/Kill strategies that all four are accused of using.

Copy others' ideas, buy a company that threatens you - and even potentially kill it off. Is this just shrewd, albeit ruthless business? Or is this Big Tech flexing its muscle unfairly?

Here's why this has been such a difficult area to police. Traditionally, anti-competition law - in this case "anti-trust" law - has been focused on consumer pricing.

In a typical monopoly or cartel, there's a simple test. Are consumers paying more because of a lack of competition?

The US "trusts" of the early 20th Century - from which the anti-trust legislation derives its name - were found to be driving up prices. Companies like Standard Oil and railway companies used their dominant position to hurt consumers.

That's much harder to prove with these tech companies.

For example Facebook, Instagram and What Sapp are free. Amazon often drives down prices to beat competition. Google's search engine is free. YouTube - owned by Google - is free. And apps on iPhones can often be downloaded for free.

So what's the problem?

That is the heart of the argument. Critics say that these companies hurt consumers in a more subtle way, killing off smaller companies and strangling other businesses. The charge is that they are in fact damaging the economy. That's what legislators are looking to examine.

Anti-trust campaigners have already lost one battle before the hearing even begins. They wanted to have the tech bosses grilled one by one.

"We want to leave as little room as possible for them to hide behind each other," Sarah Miller, from the American Economics Liberties Project, told me last week.

But that's not going to happen. They'll be questioned together and the hearing will - perhaps aptly - be virtual.

There are also worries that members of Congress will use the occasion to grandstand - to strut and preen - rather than asking the more difficult technical questions that might catch them out.

Off-topic questions are also likely - particularly for Mark Zuckerberg. For example, Facebook is currently the focus of an advertising boycott. It's accused of being too slow in removing racist and hateful content, and that could well be a line of questioning.

And of course, ahead of the US elections, Facebook should expect incoming from both Republican and Democratic members of Congress. Democrats are generally concerned about far-right content on the platform, Republicans that the company is structurally left-wing. And of course there are still concerns of foreign interference.

Expect China to come up too - and for it to be brought up by the tech bosses. With companies like TikTok and Huawei attracting the ire of the Trump administration, one defence will go something like: "Break us up, overregulate us, and you give Chinese tech companies more power."

Trying to prize the four away from their scripts is going to be the toughest job. That worked most effectively during Mr Zuckerberg's interrogation on Capitol Hill in 2018. But that's harder said than done.

Congress has a big opportunity here. The chance to really cross-examine these powerful men doesn't come often, and the evidence they give could shape their future relationship with government and their customers.

But whatever happens on Wednesday, this won't be end of the story. Earlier this week, the Senate Judiciary Committee's anti-trust panel said it would hold a hearing in September to discuss Google's dominance in online advertising.

(Source:BBC)

ሁለት ሌሎች ኢትዮጵያውያንም በዝርዝሩ ተካትተዋል
 
ጠቅላይ ሚኒስትር ዐቢይ አሕመድ ከ2020 ዓ.ም 100 ስመ ጥር አፍሪካውያን መካከል አንዱ ሆነው ተመረጡ፡፡
#ሪፒዩቴሽን ፖል ኢንተርናሽናል; የተባለው ተቋም፣ በፈረንጆቹ 2020 በተለያዩ የሙያ መስኮች ስመ ጥር የሆኑ 100 አፍሪካውያንን ዝርዝር ይፋ ያደረገ ሲሆን፤ ጠ/ሚኒስትር ዐቢይ አሕመድም በመሪዎች ዘርፍ ከተመረጡት አንዱ ሆነው ተካትተዋል፡፡
የዴሞክራቲክ ሪፐብሊክ ኮንጎ ፕሬዚዳንት ፌሊክስ ሺሴኬዲ፣ የላይቤሪያው ምክትል ፕሬዚዳንት ጀዌል ሃዋርድ፣ የዓለም ባንክ ምክትል ፕሬዚዳንት ሃፊዝ ጋነምን ጨምሮ በተለያዩ ዓለም አቀፍ ተቋማት ውስጥ የሚሰሩ አፍሪካውያንም በዝርዝሩ ውስጥ ተካትተዋል፡፡
ኢትዮጵያዊው #የአፍሪካ ዘላቂ ልማት ግብ ማዕከል; ዋና ዳይሬክተር  የሆኑት አቶ በላይ በጋሻውም ከ100 ስመ ጥር አፍሪካውያን  አንዱ ሆነው የተመረጡ ሲሆን  ስራ ፈጣሪዋና የሶል ሬብልስ መሥራች  ወ/ሮ ቤተልሄም ጥላሁንም በቢዝነስ የስራ እድል ፈጠራ ዘርፍ ተመርጠዋል፡፡
ከዚህ በተጨማሪም፤ የሰብዓዊ መብት ተሟጋቾች፣ ደራሲያን፣ የኢኮኖሚ ባለሙያዎችና የስራ እድል ፈጣሪዎችን ጨምሮ በበርካታ የሙያ ዘርፎች ውስጥ የተሰማሩ አፍሪካውያን  በዝርዝሩ ውስጥ ተካትተዋል፡፡
#ሪፒዩቴሽን ፖል ኢንተርናሽናል; ታታሪነት፣ ግልጽነትና ተፅዕኖ ፈጣሪነትን በ100 ስመ ጥር አፍሪካውያን ዝርዝር ውስጥ ለማካተት በመስፈርትነት መጠቀሙን ለማወቅ ተችሏል፡፡

Page 3 of 487