የወጣቶች አግሮኢኮሎጂ ስታርትአፕ ውድድር (Youth in Agroecology Startup Competition) ምንድነው?

ኢትዮጵያን ሰስተኔብል ፉድ ሲስተምስ ኤንድ አግሮኢኮሎጂ ኮንሶርቲየም (ESFSAC) ከአፍሪካን ፉድ ሶቨርኒቲ አሊያንስ (AFSA) ጋር በመተባበር በአዲስ አበባ ከተማ ነዋሪ ለሆኑ ወጣቶች ያዘጋጀው ውድድር ነው። ዓላማውም ለምግብ ሉዓላዊነት፣ ለዘላቂነት (sustainability) እና ለማህበረሰብ ደህንነት ሀገር-በቀል መፍትሔዎችን ማበርከትና ወጣቶች አግሮኢኮሎጂን እና አገር በቀል ምግቦችን በማስተዋወቅ ረገድ የመሪነትን ሚና እንዲጫወቱ ማስቻል ነው።

ሁለት የመወዳደሪያ ጭብጦች ተቀምጠዋል፦ የመጀመሪያው አግሮኢኮሎጂካል እርሻ እና ፈጠራ ሲሆን፤ ሁለተኛው ደግሞ ጤናማ እና የሀገር በቀል ምግቦች ላይ በመስራት እና በማስተዋወቅ ላይ ያተኮረ ነው። ከሁለቱ በአንዱ ላይ የተሰማሩ (startup) የአዲስ አበባ ነዋሪ ወጣቶች መወዳደር ይችላሉ።

ይህ ውድድር የ“My Food is African / My Food is Ethiopian” ዘመቻ አካል ነው።

ማመልከት የሚችለው ማነው?

በአዲስ አበባ የሚገኙ እድሜያቸው ከ18-35 ዓመት የሆኑ፣ አግሮኢኮሎጂን ወይም ጤናማ እና የሀገር በቀል ምግብ ሥርዓቶችን የማሳደግ ተነሳሽነትን የሚደግፉ ሥራዎችን እየሰሩ የሚገኙ ወጣቶች ማመልከት ይችላሉ።

ከአሁን በፊት በተመሳሳይ ውድድር ተሳትፈው ያላሸነፉ ወጣቶች በዚህ ውድድር ማመልከትና መወዳደር ይችላሉ። ነገር ግን በሌላ ውድድር ላይ አሸናፊ የነበሩ ወጣቶች በዚህ ውድድር መሳተፍ አይችሉም።

ከሴቶች እና በቂ ውክልና ከሌላቸው ማህበረሰብ አባላት የሚቀርቡ ማመልከቻዎችን አጥብቀን እናበረታታለን።

ከማመልከቻዎ ጋር ስራዎን ወይም የምርት ናሙናዎን የሚያሳይ አጭር ቪዲዮ አያይዞ ማቅረብ ይኖርብዎታል።

የምዝገባ ቀን መቼ ነው?

ከሐምሌ 14-25/2017 (ጁላይ 21 - ኦገስት 1, 2025)።

ይመዝገቡ፣ ይወዳደሩ፣ይሸለሙ።

ሽልማቱ ምንድነው?

በዳኞች ለተመረጡት አስር ተወዳዳሪዎች ለውድድሩ ጠቃሚ የሆኑ ሥልጠናዎችን ያገኛሉ፤ የአያንዳንዳቸውን ሥራዎች (በቪዲዮ፣ በፎቶ እና በጽሁፍ) ለሌሎች የሥራ አጋሮቻችን በማጋራት ሥራዎቻቸውን እና እራሳቸውን አንዲያስተዋውቁ ይደረጋል። በተጨማሪም አብረው መስራት ከሚፈልጉ ግለሰቦች እና ድርጅቶች ጋር እናገናኛቸዋለን።

አንደኛ ለምትወጣው/ለሚወጣው 200,000 ብር

ሁለተኛ ለምትወጣው/ለሚወጣው 150,000 ብር

ሦስተኛ ለምትወጣው/ለሚወጣው 100,000 ብር

ተጨማሪ መረጃ ለማግኘት እና ለመመዝገብ የሚከተለውን ሊንክ ይከተሉ:-

እንዲሁም ወቅታዊ መረጃዎችን ለመከታተል የESFSAC ቴሌግራም ቻናልን ይቀላቀሉ፦

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

በማሳቹሴትስ ግዛት በፎል ሪቨር ከተማ ባለ 3 ፎቅ የመኖሪያ አፓርትመንት ላይ በተነሳ የእሳት አደጋ የ9 ሰዎች ሕይወት ማለፉን የአካባቢው ባለስልጣናት ለሲኤንኤን ተናግረዋል።

በአደጋው ከሟቾች በተጨማሪ በ30 በሰዎች ላይ ጉዳት የደረሰ ሲሆን፤ የአደጋው መንስዔ በመጣራት ላይ መሆኑን የአካባቢው ፖሊስ አስታውቋል።

እሳቱ በመኖሪያ አፓርትመንቱ መግቢያ መውጢያ ላይ በመበርታቱ ምክንያት አብዛኞቹ ተጎጂዎች ከእሳቱ ለማምለጥ በመስኮት ለመዝለል መሞከራቸው አደጋውን አባብሶታል ተብሏል።

የከተማዋ አስተዳደር በደረሰው አደጋ ማዘኑን ገልጾ፤ አባሎቻቸውን በሞት ላጡ ቤተሰቦች መፅናናትን ተመኝቷል።

የአሜሪካ ፕሬዚዳንት ዶናልድ ትራምፕ ከኔቶ ሃላፊ ማርክ ሩተ ጋር በዛሬው ዕለት በዋይት ሃውስ ተገናኝተው በተለያዩ ዓለማቀፍ ወቅታዊ ጉዳዮች ዙሪያ መወያየታቸውን ዓለማቀፍ ሚዲያዎች ዘግበዋል፡፡ ስፑትኒክ ከውይይቱ የተጨመቁ ቁልፍ ነጥቦችን እንደሚከተለው አጠናክሯቸዋል፡፡

በ50 ቀናት ውስጥ ከዩክሬን ጋር ስምምነት ካልተደረሰ አሜሪካ በሩሲያ እና በንግድ አጋሮቿ ላይ ሁለተኛ ደረጃ ማዕቀብ ትጥላለች፡፡

በዩክሬን ጉዳይ ላይ ሞስኮ እና ዋሽንግተን ከስምምነት ላይ ካልደረሱ፤ አሜሪካ በሩሲያ እና በንግድ አጋሮቿ ላይ 100% የገቢ ቀረጥ ትተገብራለች፡፡

አሜሪካና እና ኔቶ በአውሮፓ ወጪ የጦር መሣሪያዎችን ለዩክሬን ለማቅረብ ተስማምተዋል፡፡

አዲሱ የአሜሪካ የጦር መሣሪያ አቅርቦት ፓትሪዮት የአየር መቃወሚያ ሥርዓቶችን የሚያካትትና መሰል 17 ሥርዓቶችን ማቅረብ ከግምት ውስጥ ገብቷል፡፡

አሜሪካ ለዩክሬን የምታቀርባቸው ጦር መሣሪያዎች ቅንጅት በኔቶ እና በጥምረቱ የአሜሪካ አምባሳደር ዊትከር በኩል ይሳለጣል፡፡

ሁለቱም ማለትም ሩሲያ እና ዩክሬን የመፍትሄ እርምጃዎችን እንደሚወስዱ እና የአሜሪካ አዲስ ማዕቀቦች እንደማያስፈልጉ የአሜሪካው ፕሬዚዳንት እርግጠኛ ናቸው፡፡

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

ማዕከላዊ አፍሪካ ሪፐብሊክ፣ የሩሲያ ኩባንያዎች የአልማዝ ማዕድን እንዲያወጡ ፈቃድ መስጠቷን ስፑትኒክ ዘግቧል፡፡

ባለፈው ዓመት የአልማዝ የወጪ ንግድ እገዳ ሙሉ በሙሉ መነሳቱ ለማዕከላዊ አፍሪካ ሪፐብሊክ ከፍተኛ ጠቀሜታ እንዳለው፤ የሀገሪቱ የንግድና ኢንዱስትሪ ሚኒስትር ቴሪ ፓትሪክ አኮሎዛ ለሩሲያ ሚዲያ ተናግረዋል፡፡

"ምክንያቱም ያለ ማዕቀብ ሀገሪቱ የማልማትና የማዕድን ምርቶቿን በመሸጥ ጥሩ ገቢ የማግኘት እድል አላት” በማለት አዲሱ ነጻነት የሚሰጠውን ኢኮኖሚያዊ አቅም አጉልተው ማሳየታቸውን ዘገባው ጠቁሟል፡፡

እ.ኤ.አ ሕዳር 21 ቀን 2024 ዓ.ም ለአልማዝ ንግድ ዓለም አቀፍ እውቅና የሚሰጠውና ተቆጣጣሪ አካል የሆነው ‘የኪምበርሊ ሂደት’ ማዕከላዊ አፍሪካ ሪፐብሊክ አልማዝ ወደ ውጭ እንዳትልክ ጥሎ የነበረውን እገዳ አንስቷል፡፡ እቀባው በግጭት ስጋት ምክንያት መጀመሪያ የተጣለባት በፈረንጆቹ 2013 ነበር፡፡

በ2016 እግዱ በከፊል መነሳቱን ተከትሎ ከግጭት ነጻ ከተባሉ አምስት ቀጠናዎች አልማዝ ወደ ውጭ እንድትልክ አስችሏታል፡፡ የማዕቀቡ ሙሉ በሙሉ መነሳት ደግሞ ለሰፊ የማዕድን ሥራዎችና ለዓለም አቀፍ አጋርነት መንገድ ከፍቷል ተብሏል።

የሩሲያ የማዕድን ኩባንያዎች በተመሳሳይ በሳኡዲ አረቢያ ማዕድን በማውጣት ሥራ እንዲሰማሩ ፈቃድ ማግኘታቸው ሰሞኑን ተዘግቧል፡፡

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

"ኢትዮጵያ በህዳሴ ግድብ ላይ የሰጠቻቸው የቃል

ማረጋገጫዎች በጽሑፍ ስምምነት ይደራጁ"

ኢትዮጵያ በታላቁ የህዳሴ ግድብ ላይ የሰጠቻቸውን የቃል ማረጋገጫዎች በጽሑፍ ስምምነት እንድትደግፍ ግብፅ ጠየቀች። ይህ ጥያቄ የመጣው ጠቅላይ ሚኒስትር ዐቢይ አህመድ ግድቡ በመስከረም ወር እንደሚመረቅ ከገለጹ በኋላ ነው።

የግብፅ ጠቅላይ ሚኒስትር ሙስጠፋ ማድቡሊ፣ በቅርቡ ብራዚል ውስጥ በተካሄደው የብሪክስ ስብሰባ ጎን ለጎን ከጠ/ሚኒስትር ዐቢይ አህመድ ጋር መነጋገራቸውን ጠቁመዋል።

በብሪክስ ስብሰባ ወቅት፣ ጠ/ሚኒስትር ዐቢይ፣ ግድቡን “ግብፅንና ሱዳንን ሳይጎዳ” የማጠናቀቅና ትብብርን የመቀጠል ፍላጎታቸውን ገልጸው ነበር። ይሁን እንጂ ማድቡሊ፣ እነዚህ የቃል ማረጋገጫዎች በሁለቱ ሀገራት ወይም በናይል ተፋሰስ ሀገራት መካከል ያለውን የወደፊት ግንኙነት በሚያደራጅ የጽሑፍ ሰነድ ውስጥ መተርጎም አስፈላጊ መሆኑን አሳስበዋል።

የግብፅ ጠቅላይ ሚኒስትሩ፣ “የግብፅ አቋም በፍጹም አልተለወጠም፤ በአባይ ውሃ ድርሻዋ ላይ ምንም አይነት ጉዳት እንዲደርስ አትፈቅድም” ሲሉ አጽንኦት ሰጥተዋል። ግብፅ የልማት ተቃዋሚ ባትሆንም፣ በአባይ ውሃ ላይ ያላትን ህጋዊ መብት እንደምትጠብቅም አስረድተዋል።

ጠ/ ሚኒስትር ዐቢይ ለህዝብ ተወካዮች ምክርቤት በሰጡት ማብራሪያ ፤ ግድቡ በመስከረም ወር እንደሚመረቅና፣ ፕሮጀክቱ ለቀጠናው ትብብር “ዕድል” እንጂ “አደጋ” እንደማይሆን በመጥቀስ፣ ከግብፅ ጋር ውይይት ለመቀጠል ዝግጁ መሆናቸውን አረጋግጠዋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

የኢትዮጵያ አየር መንገድ ወደ ቬትናም መዲና ሀኖይ አዲስ በረራ መጀመሩን ያስታወቀ ሲሆን፤ በረራው 28ኛው የእስያ መዳረሻ ነው ተብሏል፡፡

አየር መንገዱ ዛሬ ወደ ቬይትናም የጀመረው የበረራ አገልግሎት በእስያ 20ኛው መዳረሻ መሆኑን የተናገሩት የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው፤ ከአፍሪካና ከእስያ ጋር በንግድና በቱሪዝም ጠንካራ ግንኙነትን ለማሳደግ ወሳኝ መሆኑንም ገልጸዋል።

አዲስ የተጀመረው የበረራ መስመር የሁለቱን ሀገራት የዲፕሎማሲያዊ ግንኙነት ለማጠናከር እንደሚያግዝም ተጠቁሟል፡፡

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…