በፋና ኤፍ ኤም 98.1 ዘወትር አርብ ከቀኑ 10 ሰዓት እስከ 12 እንዲሁም ቅዳሜ ከቀኑ 7 ሰዓት እስከ ዘጠኝ ሰዓት ድረስ የሚተላለፈውን የ”ጣዕም ልኬት” የተሰኘ ፕሮግራማችንን አስመልክቶ ቃል ኪዳን ይበልጣል የተባሉ አድማጭ በዚህ ጋዜጣ ላይ የሰጡትን አስተያየትተመልክተነዋል፡፡ ይህ ፕሮግራማችን ላለፉት አራት አመታት በሸገር ሬዲዮ ጣቢያ ሲተላለፍ ከቆየ በኋላ በቅርቡ በፋና ኤፍ ኤም 98.1 ሬዲዮ ጣቢያ መተላለፍ ጀምሯል፡፡ በዚህ ሁሉ የሥራ ጊዜያችን የፕሮግራማችንን ጠንካራ ጐንም ሆነ ደካማ ጐናችንን አንስቶ እንዲህ በይፋ ለማመስገንም ሆነ ለመወቀስ የቻለ ወገን አልነበረም፡፡ የምንሠራበትን ጣቢያም ጨምሮ ማለታችን ነው፡፡ በእርግጥ ከተለያዩ አድማጮች በስልክ፣ በደብዳቤና በኢሜይል የተለያዩ አስተያየቶች ይደርሱናል፡፡ በዚህም ሲበዛ ደስተኞች ነን፡፡