Print this page
Thursday, 14 January 2021 11:33

አባትና ልጅ በፖለቲካ ጉዳይ

Written by 
Rate this item
(0 votes)

 ልጅ- አባዬ፣ አንድ ጥያቄ ብጠይቅህ ትመልስልኛለህ?
አባት- በደንብ እንጂ ልጄ። ምንድን ነው ጥያቄህ?
ልጅ-  /ፖለቲካ/ ምንድን ነው?
አባት- ደህና። እንዲገባህ በምሳሌ ላስረዳህ።
ለምሳሌ፡- የእኛን ቤተሰብ እንደ አንድ ሀገር ብንወስድ። እኔ ለሀገሩ ገንዘብ የማገኝ ሰው ነኝ። እኔን የአሰሪዎችን መደብ እንደምወክል አድርገህ አስብ። እናትክን ደሞ ገንዘቡን ቦታ ቦታ እያስያዘች የምትመራ ናት እንበል። እሷን መንግስት ብለህ ጥራት። ሁለታችን የአንተን ጥቅምና ፍላጎት የምናሟላልህ ስለሆነ፣ አንተ ደግሞ ህዝብ ትባላለህ ማለት ነው። የቤት ሰራተኛችንን፣ የሰራተኛው መደብ ብለን እንጠራታለን።
ትንሹን ወንድምህን ደሞ የነገው ትውልድ እንለዋለን። አሁን ገባህ/ፖለቲካ/ ማለት?
ልጅ-  የለም አባዬ፤ በደንብ የገባኝ አልመሰለኝም። ትንሽ ላስብበት እስቲ።
*   *   *
የዚያኑ ዕለት ማታ ቤተሰቡ ሁሉ ተኝቶ ሳለ ልጁን የትንሽ ወንድሙ ለቅሶ ከእንቅልፉ ይቀሰቅሰዋል። ምን ሆኖ እንደሚያለቅስ ለማረጋገጥ ወደ ህፃኑ ሄዶ ቢያይ፤ የሽንት ጨርቁ እንዳለ ርሷል። ይሄንኑ ሊያስረዳ ወደ እናትና አባቱ መኝታ ቤት ሄደ። እናቱ ለጥ ብላ እንቅልፏን ትለጥጣለች። ከዛ ወደ ቤት ሰራተኛቸው መኝታ ክፍል ሄደና አንኳኩቶ አልከፍት ስላለችው፣ በበሩ ቀዳዳ አሾልቆ ሲያይ፣ አባቱ ሰራተኛዋን አቅፎ ይታገላል። ቢያንኳኳም ጨርሶ የሚሰሙት አልሆነም። ስለዚህ ልጁ ተስፋ ቆርጦ ወደ መኝታ ቤቱ ገብቶ ተኛ።
በማግስቱ።
ልጅ- አባዬ አባዬ፤ /ፖለቲካ/ ማለት አሁን ገባኝ፤ መሰለኝ- አለው።
አባት-  በጣም ጥሩ የኔ ልጅ። በል እስቲ አስረዳኝ።
ልጅ-  አየህ አባዬ፤ የአሰሪዎች መደብ የሰራተኛውን መደብ ያንገላታዋል! መንግስት ለጥ ብሎ ተኝቷል፡፡ ህዝብ ግራ ገብቶታል። የነገው ትውልድ ከእነ መፈጠሩም ተረስቷል። ይሄው ነው /ፖለቲካ/ ማለት::

Read 1334 times
Administrator

Latest from Administrator