የቀድሞው የአሜሪካ ፕሬዚዳንት ዶናልድ ትራምፕ ከሰሞኑ በኖርዝ ካሮሊና ሴልማ ከተማ በተካሄደ ሰልፍ ላይ ባደረጉትና የወቅቱን የአገሪቱ መሪ ጆ ባይደንን ክፉኛ በዘለፉበት ንግግራቸው፣ በ2024 በሚካሄደው ቀጣዩ የአሜሪካ ፕሬዚዳንታዊ ምርጫ ሊወዳደሩ እንደሚችሉ ፍንጭ ሰጥተዋል፡፡
ጆ ባይደን በተለይ ከሩስያና ዩክሬን ጦርነት ጋር በተያያዘ አገራችንን ያዋረዱ ሰው ናቸው ሲሉ በአደባባይ የዘለፉት የ75 አመቱ ትራምፕ፤ የጤናቸው  ጉዳይ ካላሰጋቸው በምርጫው ሊወዳደሩ እንደሚችሉ የገለጹ ሲሆን፣ ከተወዳደሩ ግን ለ3ኛ ጊዜ እንደሚያሸንፉ ቅንጣት ታህል እንደማይጠራጠሩ በመናገር፣ በዚያውም ባይደን ባለፈው ምርጫ አላሸነፉኝም የሚለውን አቋማቸውን አጠናክረዋል፡፡