Saturday, 15 July 2023 20:50

ክፉ ፍርሃት

Written by 
Rate this item
(4 votes)

ክፉ ፍርሃት
ጨለማ እኮ…!
  በድቅድቁ - ምሽቱ ላይ ጥቁር
         ሌሊት መቀለሙ
ጽልመቱ ውስጥ - ተስፋ አርግዞ
         - ሊነጋ ነው መጨለሙ፡፡
ብርሃን ግን…
 ካድማሱ ጥግ ‘ብቅ‘ ብሎ - ፀሐይ
        ክንፉን ሚዘረጋው፣
የመከነ ተስፋ ይዞ - ሊጨልም
        ነው የሚነጋው፡፡
***
የሚሊኒየሙ አናፂ
አብዮት ፈንድቶ - ጥርስ ቀን ወጣለት፣
የተነቃነቀው - ድጋፍ ታሰረለት፡፡
      ሸራፋው ሊጠገን - መጠኑ ተለካ፣
     ያረጀው ተነቅሎ - በአዲሱ ተተካ፡፡
የተቦረቦረው - ተጠቅጥቆ ሞላ፣
ዱልዱሙ ክራንቻ - ተሞረደ ሰላ፡፡
    አዬ የኛ ነገር…
ማኘኪያችን ሾለ - ገንዘብ ጠላት ገዛ፣
የምንበላው የለን - ጥርስ አዳሹ በዛ፡፡
(ሲሳይ ዘ-ለገሃሬ)
***
የውዴ መዓዛ
አልሄድም ፍለጋ አሪቲና አደስ
ከርቤስ ምን ሊሆነኝ አልሻም ናርዶስ
ዕጣኑ፣ ብርጉዱ ሉባንጃው ወዲያልኝ
ዝባድና ሽቱ በጭራሽ ይቅሩብኝ
አልበልጥብህ አሉኝ ከውዴ መዓዛ
ልቤን ከሰወረው ከጠረንሽ ለዛ፡፡
(አበራ ኃ/ማርያም)

Read 801 times