- ንግድ ሚኒስቴር በጉዳዩ ጣልቃ ገብቶ ሪልእስቴቱ የባለአክሲዮኖች ስብሰባ እንዲጠራና ዳግም ወደ ስራ እንዲገባ አደርጓል
       - አቶ ኤርሚያስ አመልጋ በባለአክሲዮኖች አብላጫ ድምፅ ተመርጠው በድጋሚ የቦርድ ሊቀመንበር ሆነዋል


         አክሰስ ሪልእስቴት አክሲዮን ማህበር፣ ከቤት ገዥዎች ጋር የነበረውን ችግር ለመቅረፍ የሚያስችል ሂደት ውስጥ መግባቱንና የንግድ ሚኒስቴር በጉዳዩ ጣልቃ በመግባት ሪልእስቴቱ ባለአክሲዮኖች ጠቅላላ ስብሰባ እንዲጠሩና ዳግም ወደ ስራ እንዲገቡ በሰጠው መመሪያ መሰረት፣ ሚያዝያ 27 ቀን 2015 ዓ.ም አጠቃላይ የባለአክሲዮኖች ስብሰባ በመጥራት፣ አዲስ ቦርድ በመምረጥና ህጋዊ ሁኔታዎችን በማሟላት ዳግም ወደ ስራ ሊገባ መሆኑን ለማወቅ ተችሏል።
ሪል እስቴቱ በዚህ ዕለት ባደረገው ጠቅላላ ጉባዔም፣ የቀድሞውን የአክሲዮኑን ቦርድ ስብሳቢ አቶ ኤርሚያስ አመልጋን በአብላጫ ድምፅ በድጋሚ የቦርድ ሰብሳቢ አድርጎ መርጦአቸዋል ተብሏል።
ለ12 ዓመታት መፍትሄ ሳያገኝ የከረመው የአክሰስ ሪል እስቴት ቤት ገዥዎች ጉዳይ በአዲሱ ቦርድ መፍትሄ ያገኛል የሚል ተስፋ እንዳላቸው ባለአክሲዮኖቹና ቤት ገዥዎች ተናግረዋል።