ሞት ማስደንገጥ ሲያቅተው
ሞት ማስደንገጥ ሲያቅተው
ያን ጊዜ ነው
ምን መሆኔን የማላውቀው።
ነፍስ ከስጋ ስትለይ
ተመልሳ ላትከተት
የእንቁላል ዘመኑን አልፎ
ሰብሮ እንደወጣ ነፍሳት
እንኳን በግፍ ተሰርቃ
እንደሷ ሕይወት ባዘለ
በመሰሏ እጅ ተነጥቃ
በእንቅልፍ ዓለም
እንኳን ብትቀር
ጀንበር ሲጠባ ባታይ
ለወትሮው
የቋሚው የውስጥ ለቅሶ
የኗሪው የውስጥ ብካይ
በቋሚው ውስጥ ነፍስ እንዳለ
የሚያሳይ ምልክት ነበር
ሰውን እንደ ሰው ሲያከብር
ምክንያት ለማዳን እንጂ
ጥብቅናው ለሞት ከሆነ
ልቤ
ህልፈት ካደነደነው
ነፍስ ሲጠፋ ካላዘነ
ማልቀስ ያለብኝ ለኔ ነው
በውስጤ ሕይወት ለሞተው
የፍትህ ዘር ለማልዘራው
አመፅ በመላ ለማልፈታው
ብሶት በሚዛን ለማልዳኘው
የሰላም ምርት ለማላጭደው
የሰው ሞት ካደነደነኝ
ማልቀስ ያለብኝ ለኔ ነው።
(ከበደች ተክለአብ፤ እ.ኤ.አ. ጁላይ 2020)
Wednesday, 07 August 2024 08:28
ሞት ማስደንገጥ ሲያቅተው
Written by ከበደች ተክለአብ፤ እ.ኤ.አ. ጁላይ 2020-
font size
decrease font size
increase font size
Published in
የግጥም ጥግ