የብላይክ ዳይመንድ አድቨርታይዚንግ መሥራቾችና አመራሮች በዛሬው ዕለት ከሰዓት በኋላ 22 ማዞሪያ ወርቁ ህንጻ ገባ ብሎ በሚገኘው የልህቀት ማዕከል ጋዜጣዊ መግለጫ ሰጥተዋል፡፡

የሥልጠና አካዳሚው ሥራ መጀመሩን አስመልክቶ በተሰጠው ጋዜጣዊ መግለጫ ላይ እንደተነገረው፤ ከነገ መስከረም 22 ቀን 2017 ዓ.ም ጀምሮ የሰልጣኞች ምዝገባ የሚጀመር ሲሆን፤ አካዳሚው የተለያዩ አጫጭር የቀንና የማታ የሥልጠና መርሃግብሮችን በመስጠት ሥልጠናውን ይጀምራል ተብሏል፡፡

ብላክ ዳይመንድ የህትመትና ማስታወቂያ ማሰልጠኛ አካዳሚ ከሚሰጣቸው ሥልጠናዎች መካከል፡- የባነር፣ ስቲከር ህትመት ማሽነሪ ባለሙያነት፣ ሲኤንሲ መቁረጫ ማሽነሪ ባለሙያነት፣ የህትመትና ግራፊክስ ዲዛይን ሥራዎች፣ የላይት ቦክስ ማስታወቂያ ባለሙያነት፣ የኒዮን ላይት ማስታወቂያ ባለሙያነትና ሌሎችም ይገኙባቸዋል፡፡

ተቋሙ በማስታወቂያ፣ በህትመት ማሽንና ግራፊክስ የሚታየውን የሰለጠነ ባለሙያ ክፍተት ለመሙላት ከነገ ጀምሮ ሰልጣኞችን መመዝገብ እንደሚጀምር ነው ያስታወቀው፡፡

ዛሬ በተሰጠው መግለጫ ላይ እንደተጠቆመው፤ ሥልጠናዎቹ እስከ ሦስት ወር የሚደርሱ በሰርተፊኬት ደረጃ የሚሰጡ አጫጭር ኮርሶች ናቸው፡፡

በባለራዕይ ወጣቶች የተቋቋመው ብላክ ዳይመንድ አድቨርታይዚንግ፣ ላለፉት በርካታ ዓመታት የተለያዩ የህትመትና ማስታወቂያ ሥራዎችን በጥራትና በብቃት በመሥራት በደንበኞቹ ዘንድ ስምና ዝናን ያተረፈ ሲሆን፤ ሥራውንም በተለያዩ ዘርፎች አስፋፍቶ እየሰራ የሚገኝ ተቋም ነው፡፡