በኢትዮጵያ ከቅርብ ጊዜ ወዲህ ለሜጋ ኘሮጀክቶች በተሰጠው ትኩረት ከታላቁ ህዳሴ ግድብ በተጨማሪ 14 መካከለኛና ከፍተኛ ግድቦች በ2ዐዐ ቢሊዮን ብር ወጪ እየተሰሩ መሆናቸውን ጠቅላይ ሚኒስትር ዐቢይ አሕመድ አስታውቀዋል፡፡

ጠ/ ሚኒስትሩ ትላንት ከህዝብ ተወካዮች ምክር ቤት አባላት ለቀረቡላቸው ጥያቄዎችና አስተያየቶች በሰጡት ማብራሪያ፤ በሀገሪቱ ሁሉም አካባቢዎች በ1 ነጥብ 5 ትሪሊየን ብር ወጪ 346 የመንገድ ኘሮጀክቶች በፌደራል መንግስት ግንባታቸው እየተከናወነ መሆኑን ገልፀዋል፡፡

የኤሌክትሪክ ኃይል በኢትዮጵያ ሁሉም አካባቢ ተደራሽ ለማድረግ በተሰራው ሥራም 11ዐ ቢሊዮን ብር ወጪ የተደረገበት የመብራት ማስፋፊያ ኘሮጀክት ሥራ መጀመሩን ጠቁመዋል፡፡

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

የአዲስ አበባ ከተማ አስተዳደር ሲቪል ምዝገባና የነዋሪነት አገልግሎት ኤጀንሲ እንዳስታወቀው፤ በመዲናዋ በሩብ ዓመቱ 3 ሺ 32 ፍቺ ተመዝግቧል፡፡

ኤጀንሲው ይህን ያህል ፍቺ የተመዘገበው በተጠቀሰው ጊዜ ጋብቻ ከፈጸሙ 10 ሺ 696 ጥንዶች መካከል መሆኑን ገልጿል።

በመዲናዋ በሦስት ወራት ጊዜ ውስጥ የተመዘገበው ከፍተኛ መጠን ያለው ፍቺ እጅግ አሳሳቢ ነው ተብሏል፡፡

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

በቼክ ሪፐብሊክ ለእይታ ቀርበው የነበሩት ሉሲና ሰላም ከሁለት ወር ቆይታ በኋላ ወደ ኢትዮጵያ ተመለሱ፡፡

ሁለቱ ቅሪተ አካላት በፕራግ ሙዚየም የነበራቸውን ቆይታ አጠናቀው፣ ዛሬ ንጋት ላይ አዲስ አበባ መግባታቸውን የቱሪዝም ሚኒስቴር አስታውቋል፡፡

ሁለቱ ቅርሶች ከነሐሴ 10 ቀን 2017 እስከ ጥቅምት 13 ቀን 2018 በነበራቸው ቆይታ ከመላው አውሮፓ በጎረፉ ቱሪስቶች እንደተጎበኙና የኢትየጵያን የሰው ዘር መገኛነት በዓለም አደባባይ ማስተዋወቃቸውን ሚኒስቴሩ ጠቁሟል፡፡

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

አዲስ አበባ ዩኒቨርሲቲ የተማሪዎቹን ጸጉር ማስቆረጥ ጀምሯል አሉ፡፡ እኔ መጀመሪያ ስሰማ የምር አልመሰለኝም ነበር፡፡ አሁን እንደሚታየው ግን ጭራሽ ህግ የወጣለትም ጉዳይ ነው፡፡

"ዩኒቨርሲቲ" ተብለው እንዲህ አይነት ሀሳብ ከየት እንደመጣላቸው ራሱ አላውቅም፡፡ አዲስ አበባ ዩንቨርሲቲ ማስተካከል የሚገባው በጣም ብዙ ጉዳይ እያለ ከዚህ ለምን መጀመር እንደፈለገም አልገባኝም፡፡ ዞሮ ዞሮ እንዲህ አይነት ሀሳብ መነሻው ህዝበኝነት (populism) ነው ብዬ እገምታለሁ፡፡

ተራ ጭብጨባ የመቃረም አባዜ ያመጣው ሀሳብ እንደሆነ እጠረጥራለሁ፡፡ አዲስ አበባ ዩኒቨርሲቲ "ከፍተኛ የትምህርት ተቋም" ነው፡፡ ስለዚህም ማተኮር ያለበት ስለ ጸጉር ርዝማኔ ሳይሆን ከጸጉር በታች ያለው ጭንቅላት ስለሚያፈልቀው ሀሳብ ብቻ ነው፡፡ዩኒቨርሲቲው በአብዛኛው በሀያዎቹ ውስጥ ያሉ ወጣቶችን እንደማስተማሩ አንዳንድ ነገሮችን ለእድሜና ለተፈጥሮ መተው አለበት፡፡ ጸጉራችንን ተቆርጠን ስንመጣ "ጨዋ" የሚል ሙገሳ ሊሰጡን የሚገባው ወላጆቻችን እንጂ ዩኒቨርሲቲው አይደለም፡፡

ህዝበኝነት ይጥፋ!

(Ab Bella-)

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

“ለትግራይ ክልል ውስጥ ተጨማሪ ውጊያ አንፈልግም፤ ከዚያ ይልቅ ተባበረን ሀገር ማልማት ነው የምንፈልገው። ከዚያ ውጭ መንግሥትን በሃይል ለመጣል ፍላጎት ካለ እሱ ፈጽሞ ሊሳካ አይችልም። የፌደራል መንግስት ለትግራይ ክልል የሚመድበው በጀት ለልማት ሳይሆን ለታጣቂ እየዋለ ነው፤ ይህም ትክክል አይደለም። ትግራይ ልማት ያስፈልጋታል። በመሆኑም በሰላማዊ መንገድ በትብበር ለልማት መስራት ይገባል።”

ጠ/ሚኒስትር ዐቢይ አሕመድ

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

የፈረንሳዩ ፕሬዚዳንት 'ማክሮን በዩክሬን ወታደራዊ ጣልቃ ገብነትን እያለሙ ነው ያለው የሩሲያ የውጭ ደህንነት አገልግሎት፤ አሁንም በታሪክ መዝገብ በወታደራዊ አዛዥነት ለመስፍር ተስፋ አድርገዋል ብሏል፡፡

በፕሬዚዳንቱ መመሪያ መሠረት የፈረንሳይ የጦር ኃይሎች ጄኔራል ኢታማዦር ሹም፣ የኪዬቭ አገዛዝን ለመደገፍ እስከ 2 ሺህ የሚደርሱ ወታደሮችንና መኮንኖችን ወደ ዩክሬን ለማሠማራት እየተዘጋጁ መሆኑን አገልግሎቱ ማስታወቁን ስፑትኒክ ዘግቧል፡፡

የዚህ ኃይል ዋና አካል በዋናነት ከላቲን አሜሪካ ሀገራት የተመለመሉ የፈረንሳይ የውጭ ወታደሮችን ያቀፈ እንደሆነ ተጠቁሟል።

“እነዚህ ምልምል ወታደሮች በዩክሬን ድንበር አቅራቢያ በሚገኙ የፖላንድ አካባቢዎች ተሠማርተው ከፍተኛ የውጊያ ቅንጅት ሥልጠና እየወሰዱ ነው።” ብሏል፤የውጭ ደህንነት አገልግሎቱ፡፡

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…