የሚኒስትሮች ምክር ቤት ሰኞ መስከረም 18 ቀን 2019 ባካሄደው መደበኛ ስብሰባ፤ የመከላከያ ሰራዊት አዋጅን የሚያሻሽል ረቂቅ አዋጅ ላይ በሰፊው ተወያይቶ ወደ ሕዝብ ተወካዮች ምክር ቤት እንዲተላለፍ በሙሉ ድምጽ ወሰኗል። ላለፉት ሶስት ዓመት ከመንፈቅ ገደማ በስራ ላይ የነበረውን ይህንን ህግ እንደገና ማሻሻል ያስፈለገው፣ ሰራዊቱ ህገ መንግስቱን መሰረት አድርጎ ሀገራዊ ተልዕኮዎቹን በህግ አግባብ ለመፈጸም እንዲያስችለው መሆኑን የጠቅላይ ሚኒስትር ጽህፈት ቤት አስታውቋል።

የተሻሻለው ረቂቅ አዋጅ በዋናነት የመከላከያ መርሆዎችን የሚመለከቱ የህገ መንግስቱን አንቀጽ 87 ድንጋጌዎች ለማካተት ያለመ ነው። በዚህም መሰረት ሰራዊቱ የብሔሮች፣ ብሔረሰቦች እና ህዝቦች ሚዛናዊ ተዋጽኦን የያዘ መሆን እንዳለበት፣ የመከላከያ ሚኒስትር ሆኖ የሚሾመው ግለሰብ ሲቪል መሆን እንደሚገባው፣ እንዲሁም ሰራዊቱ በማናቸውም ጊዜ ለህገ መንግስቱ ተገዢ ሆኖ ከፖለቲካ ድርጅቶች ወገናዊነት ነጻ በሆነ መልኩ እንደሚንቀሳቀስ በድጋሚ ተደንግጓል።

በሚያዝያ 2015 ዓ.ም የመጨረሻ ማሻሻያውን ያደረገው ይህ አዋጅ፣ ሰራዊቱ በምድር፣ በአየር፣ በባህር፣ በሳይበር እና በጠፈር መዋጋት በሚችል መልኩ እንዲደራጅ አድርጓል። አሁን በቀረበው አዲስ ማሻሻያ ላይ ምክር ቤቱ ግአብቶችን በማከል ወደ ፓርላማ የላከው ሲሆን፣ በቀጣይ ቀናት በህዝብ ተወካዮች ምክር ቤት ታይቶ ይጸድቃል ተብሎ ይጠበቃል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

ለነገው የአፍሪካ ዋንጫ ጨዋታ የሚደረገው ዝግጅት የቀጠለ ሲሆን፣ የሴኔጋል ብሔራዊ ቡድን በአሁኑ ሰዓት በባህር ዳር ስታዲየም የልምምድ ስራዎችን በማከናወን ላይ ይገኛል። በታዋቂው አሰልጣኝ ፓትሪክ ቪየራ የሚመራው የሴኔጋል ቡድን በመጀመሪያው የምድብ ጨዋታው ከሞዛምቢክ ጋር አቻ መለያየቱ ይታወሳል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

ስፑትኒክ የተባለው የዜና ተቋም ባወጣው ትንተና መሠረት፤ አሜሪካ ለመካከለኛው ምስራቅ ግጭት ያወጣችው ግዙፍ ገንዘብ በአፍሪካ ለአንድ ሙሉ ዓመት የሚሆን የረሃብ አደጋን መታገል የሚያስችል ነበር። የአሜሪካ ኮንግረስ ሪፖርት እንደሚያሳየው፣ አሜሪካ እስከ ሐምሌ 25 ድረስ ብቻ 38 ቢሊዮን ዶላር ያወጣች ሲሆን፤ ከዚያ በኋላ ባሉት ወራትም በየወሩ ከ2 እስከ 3 ቢሊዮን ዶላር ተጨማሪ ወጪ አድርጋለች።

በሌላ በኩል የተመድ የእርሻና ምግብ ድርጅት የሩሲያ ቅርንጫፍ ኃላፊ ኦሌግ ኮቢያኮቭ ለስፑትኒክ እንደተናገሩት፣ በአፍሪካ ረሃብን ሙሉ በሙሉ ለማስወገድ እስከ 2030 ድረስ በየዓመቱ ከ39 እስከ 50 ቢሊዮን ዶላር ያስፈልጋል። በዓለም አቀፍ ደረጃ ረሃብን በድጋሚ ለማጥፋት በየዓመቱ 267 ቢሊዮን ዶላር የሚያስፈልግ ሲሆን፣ ከዚህ ውስጥ ትልቁ የድጋፍ ድርሻ ከሰሃራ በታች ላሉ የአፍሪካ ሀገራት ይገባል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የሞሮኮው ንጉስ 6ኛ መሐመድ በሳውዲ አረቢያ ላይ የሚሰነዘሩ ጥቃቶችን አጥብቀው በማውገዝ፣ በሳውዲ ግዛት ላይ የሚፈጸም ማንኛውም ጥቃት በሞሮኮ ላይ እንደተፈጸመ እንደሚቆጠር ገለጹ።

ንጉሱ የሳውዲና የባህረሰላጤ አገራት ደህንነት አንድ መሆኑን በመጥቀስ፣ መካ እና መዲና ላይ የሚደረጉ ጥቃቶች ከ1.8 ቢሊዮን በላይ ሙስሊሞችን እንደሚነኩ አሳስበዋል። በተጨማሪም ቀይ ባህርና ባብ አል-መንደብ አካባቢ የሚፈጠር አለመረጋጋት ዓለም አቀፍ የንግድ መስመሮችን እና የመርከብ ንግድ ወጪን ከፍ እንደሚያደርግ አስጠንቅቀዋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

በአፍሪካ አህጉር ውስጥ የተለያዩ ማዕድናት፣ ሃብቶች እና የግብርና ምርቶችን በማምረት ረገድ ቀዳሚዎቹን ቦታዎች የያዙ ሀገራት ዝርዝር ከዚህ በታች ቀርቧል፦

ድፍድፍ ነዳጅ: ናይጄሪያ

ኮልታን (Coltan): ዲሞክራቲክ ሪፐብሊክ ኮንጎ

በቆሎ: ደቡብ አፍሪካ

ወርቅ: ጋና

አልማዝ: ቦትስዋና

ቦክሳይት (Bauxite): ጊኒ

እንጨት (Timber): ናይጄሪያ

ሩዝ: ናይጄሪያ

ዩራኒየም: ቦትስዋና

ፖም (Apple): ደቡብ አፍሪካ

ቲማቲም: ግብፅ

ጅንጅብል : ናይጄሪያ

ሐብሐብ: አልጄሪያ

ቴምር : ግብፅ

ሽንኩርት: ግብፅ

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የአፍሪካ ቁጥር አንድ ባለጸጋ አሊኮ ዳንጎቴ በምስራቅ አፍሪካ ትልቁን የ17 ቢሊዮን ዶላር የነዳጅ ማጣሪያ ፋብሪካ በኬንያ ላሙ ከተማ ሊገነባ ነው። ግዙፍ የግንባታ ማሽነሪዎችን የጫነው «ኤምቪ ዳ ያንግ» መርከብ ላሙ ወደብ መድረሱን ተከትሎ፣ የፋብሪካው የመሰረት ድንጋይ መጣል ስነ-ሰርዓት ከሁለት ቀን በኋላ ይካሄዳል። በዝግጅቱ ላይ የኬንያው ፕሬዚዳንት ዊሊያም ሩቶ እና አሊኮ ዳንጎቴ ይገኛሉ ተብሎ ይጠበቃል።

በቀን 700,000 ባርሬል ድፍድፍ ዘይት የማቀነባበር አቅም ይኖረዋል ተብሎ የታቀደው ይህ ማጣሪያ፣ ወደ 60,000 የሚጠጉ የስራ እድሎችን ይፈጥራል። ፕሮጀክቱ የምስራቅ አፍሪካን የኢኮኖሚ ገጽታ እና የኢነርጂ አቅርቦት በእጅጉ ይለውጠዋል ተብሎ ከፍተኛ ግምት ተሰጥቶታል።

ሐረር ከእስልምና ሃይማኖት አንጻር ከመካ፣ ከመዲና እና ከኢየሩሳሌም በመቀጠል አራተኛዋ ቅዱስ ከተማ ናት። በዙሪያዋ ግዙፍ ግንብ ያላት ይህች ጥንታዊት ከተማ በፈረንጆቹ 2006 በዩኔስኮ (UNESCO) የዓለም ቅርስነት ተመዝግባለች።

በከተማዋ አሮጌ ክፍል ውስጥ ከ10ኛው መቶ ክፍለ ዘመን ጀምሮ የቆዩ 82 መስጊዶች እና ከ100 በላይ መቃብሮች (ሽሪኖች) ይገኛሉ። በ13ኛው እና በ16ኛው ክፍለ ዘመን መካከል የተገነባው የድንጋይ ግንብ ከተማዋን የከበበ ሲሆን፣ ሐረር ማታ ማታ ለዱር ጅቦች ምግብ የሚሰጥበት ልዩ ባህሏም በዓለም አቀፍ ደረጃ እጅግ ታዋቂ አድርጓታል።

G.A-
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas