ኬንያ ዜጎቿ ወደ ሩሲያ በግዳጅ እየተወሰዱ በዩክሬን ጦርነት ውስጥ እንዲሳተፉ ይደረጋሉ መባሉን ተከትሎ ምርመራ መጀመሯ ተሰምቷል፡፡

ምርመራው ኬንያዊው አትሌት ኢቫንስ ኪቤት፣ የሩሲያ ሰራዊትን እንድቀላቀል ተታልዬ ነበር ማለቱን ተከትሎ የመጣ ነው ተብሏል፡፡

የኬንያ ባለስልጣናት እውነታውን እንዲሁም የተጎጂዎችን ደህንነት ለማረጋገጥ፣ ከሩሲያና ከዩክሬን ባለስልጣናት ጋር እየተነጋገሩ መሆኑ ተዘግቧል፡፡

ይህ ሁኔታ በግጭት ቀጠና ውስጥ የውጭ ሀገር ዜጎችን ኢላማ ያደረገ ቅጥር ላይ ያለውን ስጋት አጉልቶ እንደሚያሳይ ተጠቁሟል፡፡

ኬንያ አንዳንድ ዜጎቿ ወደ ሩሲያ ጦር ሰራዊት በግዳጅ እንደገቡና አሁን በዩክሬን የጦር ምርኮኞች ሆነው እንደሚገኙ የሚገልጽ ዘገባ ከወጣ በኋላ ነው የማጣራት ምርመራውን የከፈተችው፡፡

ቴሌግራም ቻናልችንን በመቀላቀል የአዲስ አድማስን መረጃ ይከታተሉ…

• ጉብኝቱ በእዳ ሽግሽግ ዙሪያ ለመምከርና የኢኮኖሚ

ትብብርን ለማጠናከር ያለመ ነው ተብሏል

በአዲሱ የብሔራዊ ባንክ ገዢ ዶ/ር ኢዮብ ተካልኝ የተመራ ልዑክ በቻይና ቤጂንግ የሥራ ጉብኝት እያደረገ ሲሆን፤

ጉብኝቱ በእዳ ሽግሽግ ዙሪያ ለመምከርና በኢትዮጵያና ቻይና መካከል ያለውን የኢኮኖሚ ትብብር ለማጠናከር ያለመ ነው ተብሏል፡፡

ልዑካኑ በቤጂንግ ቆይታቸው ከቻይና ገንዘብ ሚኒስቴር ከፍተኛ አመራሮች፣ ከቻይና ሕዝብ ባንክ፣ ኤግዚም ባንክ እና ከተለያዩ የንግድ ተቋማት አመራሮች ጋር እንደሚወያዩ ይጠበቃል፡፡

በዚህም በኢትዮጵያ ሀገር በቀል የኢኮኖሚ ሪፎርም የተከናወኑ ሥራዎችንና የተገኙ ውጤቶችን በተመለከተ ገለጻ እንደሚያደርጉ ባንኩ አስታውቋል፡፡

በቀጣይ በኢትዮጵያ የመልማት አቅም ያላቸው የኢንቨስትመንት ፕሮጀክቶችን በተመለከተ ዝርዝር ማብራሪያ እንደሚሰጥ ተጠቁሟል፡፡

የአዲስ አበባ ከተማ ገቢዎች ቢሮ፣ ከመንግሥት ገቢ ሊቀንሱ የሚችሉ ከባድ የሂሳብ ግድፈቶች የፈጸሙ የ10 የሂሳብ ባለሙያዎችና ኦዲተሮች የሙያ ፈቃድ እንዲሰረዝ ለኢትዮጵያ የሂሳብና ኦዲት ቦርድ ጥያቄ አቀረበ።

ቢሮው እንዳስታወቀው፣ በ2017 በጀት ዓመት ውስጥ 13 የግብር ከፋዮችን የሂሳብ መዝገብ በመመርመር ከባድ ግድፈቶች የተገኙባቸውን 10 ባለሙያዎች ለይቷል። ቢሮው ባደረገው የቅድመ ኦዲት ምርመራ፣ እነዚህ ባለሙያዎች ያዘጋጇቸው የሂሳብ መዝገቦች ከፍተኛ መጠን ያለው የገቢ ልዩነት እንዳለባቸውና በታክስ ስወራ መንግሥት ሊያገኘው የሚገባውን ገቢ ሊያሳጣ እንደነበር ገልጿል።

በዚህም መሰረት፣ ቢሮው ከፍተኛ የገንዘብ መጠን የመንግስትን ጥቅም ሊያሳጣ የሚችል ግድፈት የፈጸሙ 10 የሂሳብ ባለሙያዎችና ኦዲተሮች የሙያ ፈቃዳቸው እንዲሰረዝ ጥያቄ አቅርቧል። የቢሮው ሃላፊዎች እነዚህ ባለሙያዎች በቦርዱ የሙያ ፈቃድ የተሰጣቸው መሆናቸውን አረጋግጠዋል።

ቢሮው በተጨማሪም የከተማው ነዋሪዎችና የግብር ከፋዮች፣ ፈቃዳቸው እንዲሰረዝ የተጠየቀባቸው እነዚህ የሂሳብ ባለሙያዎች የሚያዘጋጁትን የሂሳብ መዝገብ እንደማይቀበል አስጠንቅቋል። የስም ዝርዝራቸውን ከቦርዱ በመጠየቅ የሙያ ስነ ምግባሩን ጠብቀው በሚሰሩ የሂሳብ ባለሙያዎችና ኦዲተሮች የሂሳብ መዝገቡን በማሰራት እንዲያቀርብም አሳስቧል፡፡

የአዲስ አበባ ገቢዎች ቢሮ ከዚህ ቀደምም በሂሳብ መዝገብ አዘገጃጀት ላይ የሚስተዋሉ ግድፈቶችን ለመቀነስ ከቦርዱና ከሙያ ማህበራት ጋር በመተባበር መፅሄት በማዘጋጀትና በመወያየት ትምህርት ሲሰጥ እንደነበር አስታውሷል።

አስ-

በርካታ ቅን ሰዎች አሉ። መርዳትን፣ መደገፍን፣ ቸርነትን ማዕከል ያደረጉ። ሁለንተናዊ በሆነ መልኩ የሚሳካላቸው ግን ጥቂት ናቸው፡፡

ከ79 ሺህ በላይ ለሚሆኑ ሰዎች የስራ እድል መፍጠር። በሚሊየኖች የሚቆጠሩ ዜጎችን በቅንነት ማገልገልን ማዕከል ያደረጉ ድርጅቶችን ማቋቋም፣ መምራትና ስኬታማ ማድረግ ብዙዎች የሚታደሉት ጸጋ አይደለም።

የማይናወጥ የሀገር ፍቅር፣ ሰጥቶ የማይረካ ቅን መንፈስ፣ ስለህዝብ በጽናትና ያለመታከት መቆርቆርን እውን ለማድረግ፤ መቻል ብቻ ሳይሆን ሆኖ መገኘትን ይጠይቃል።

ክቡር ዶ/ር ሼህ ሙሐመድ ሁሴን ዓሊ አልአሙዲ በጣም ጥቂት ከሚባሉ የዚህ አይነት ሰብእና ከተጎናጸፉ ሰዎች መካከል አንዱ ናቸው። ማድረግን ስለሚችሉት ብቻ ሳይሆን ከልብ በመነጨ እምነትና ጽናት ማድረግን ሆነው መገኘት ችለዋል።

"ሚድሮኮች" የተጣለባችሁን አደራ በብቃትና በስኬት ተወጥታችሁ በሚቀጥለው ዓመት የሰራተኞችን ቀን ክቡር ዶ/ር ሼህ ሙሐመድ ሁሴን ዓሊ አልአሙዲ በተገኙበት በድምቀት እንደምታከብሩ ሙሉ እምነት አለኝ።

ሙሼ ሰሙ-

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

ሼህ መሐመድ የምንጊዜም የኢትዮጵያ የቁርጥ ቀን ልጅ ናቸው! በኢትዮጵያ ታላላቆቹ ሀገራዊ ሥራዎችና የደግነት ምግባራት ውስጥ የእሳቸው ለጋስ እጅ ያላረፈበትን ነገር መጥቀስ ይከብዳል። ሲለግሱና ዕንባ ሲያብሱ፣ ቃል እስኪቸግራቸው ስለኢትዮጵያ የልባቸውን አውጥተው ሲናገሩ፣ ከአጠገባቸው ሆኜ የማድመጥን ብዙ ዕድል አግኝቻለሁ።

ከብዙ አመታት በኋላ በሚድሮክ የቤተሰብ ቀን ላይ በቀረበው ቪዲዮ የተቀረፀውን ድምጻቸውን በመስማቴና ምስላቸውን ማየት በመቻሌ እጅግ በጣም ተደስቻለሁ። ወደሚወዷት፣ በልባቸው በሚያስቡላትና ከአንደበታቸው ወደማትጠፋው ሀገራቸው በጤና ተመልሰው፣ የልጅ ከሚመስለው ፈገግታቸው ጋር በአካለ ሥጋ እናያቸው ዘንድ እንፀልያለን!

ረዥም ዕድሜና ሙሉ ጤናን እመኝልዎታለሁ!

-ከያኒና ጋዜጠኛ ተስፋዬ ማሞ -