Administrator
የኢትዮጵያ ቡና ወደ ዓለም አቀፍ ከፍታ!
የኢትዮጵያን ቡና ከዓለም አቀፍ ገበያ ጋር ለማስተሳሰር እና አዳዲስ የንግድ ትስስሮችን ለመፍጠር የሚያስችል አራት ቀናትን የሚወስድ ታላቅ የቡና ቅምሻ (Coffee Cupping) መርሃ ግብር በቅርቡ ሊካሄድ ነው። መድረኩ የሀገር ውስጥ አምራቾችን፣ ላኪዎችን እና ነጋዴዎችን ከዓለም አቀፍ የቡና ገዢዎችና ባለሙያዎች ጋር በቀጥታ ለማገናኘት ትልቅ ዕድል እንደሚፈጥር ይጠበቃል፡፡
በስፔሻሊቲ ቡና ማህበር (SCA) ባለሙያዎች ተሳትፎ በሚካሄደው በዚህ መድረክ፤ ተሳታፊዎች የቡና ዝርያዎችን የመቅመስ፣ የጣዕም እና የጥራት ባህሪያትን የመገምገም እንዲሁም ዓለም አቀፍ የጥራት መለኪያዎችን የማወቅ ዕድል ያገኛሉ። በተጨማሪም በዘርፉ የሙያ ማሻሻያና የስልጠና ዕድሎች ላይ ውይይት የሚደረግ ሲሆን፣ ይህም የባለሙያዎችን ዕውቀት በማሳደግ ረገድ የላቀ ጠቀሜታ አለው።
ኢትዮጵያ የቡና መገኛነቷን በመጠቀም የጥራት ደረጃውን የጠበቀ ምርቷን ለዓለም ገበያ በተሻለ መልኩ ለማቅረብ እንዲህ ያሉ መድረኮች ወሳኝ ናቸው። መርሃ ግብሩ በኢትዮጵያ ቡና ላይ ያለውን ዓለም አቀፍ ፍላጎት ከማሳደግ ባለፈ፣ የገበያ አማራጮችን በማስፋት ለሀገሪቱ የቡና ንግድ አዳዲስ የዕድገት አቅጣጫዎችን የሚከፍት ታላቅ የልምድ እና የንግድ መድረክ ይሆናል ተብሎ ታምኖበታል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
"ሀላፊነታቸውን በማይወጡ የንግድ ቁጥጥር አመራሮች ላይ ጥብቅ ተጠያቂነት ይረጋገጣል"
የአዲስ አበባ ከተማ አስተዳደር ንግድ ቢሮ ከህብረት ሥራ ኮሚሽን ጋር በመተባበር በመሠረታዊ የፍጆታ ምርቶች አቅርቦትና አገልግሎት አሰጣጥ ዙሪያ የመክፈቻ ውይይት አካሄደ። በቢሮው ኃላፊ በወ/ሮ ሀቢባ ሲራጅ የተመራውና የሦስት ወራት አፈጻጸም የተገመገመበት ይኸው መድረክ፤ የከተማ አስተዳደሩ የኑሮ ውድነትን ለመከላከል በቢሊዮኖች የሚቆጠር ብር ድጎማ እያደረገ ቢሆንም፣ በቁጥጥር መላላት ምክንያት በሸማቾች ላይ ጫና እየተፈጠረ መሆኑን አንስቷል።
በመድረኩ ላይ የተናገሩት ወ/ሮ ሀቢባ ሲራጅ፣ በየደረጃው በሚገኙ የንግድና የሸማቾች መዋቅር ውስጥ በሚታዩ ብልሹ አሠራሮች ሳቢያ ህብረተሰቡ አላስፈላጊ ጫና እየወደቀበት መሆኑን ገልጸዋል። በመሆኑም ባለሙያዎችና አመራሮች ሥራቸውን በጥብቅ ዲሲፕሊን ሊፈጽሙ እንደሚገባ አሳስበው፣ ኃላፊነታቸውን በአግባቡ በማይወጡ አካላት ላይ ተጠያቂነቱ ተጠናክሮ እንደሚቀጥል አስጠንቅቀዋል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
አዲስ አበባ ላይ የተጀመረው የባሕር ኃይል አዛዦች ፎረም
የኢትዮጵያ ባሕር ኃይል ጠቅላይ መምሪያ ከአውሮፓ ኅብረት ጋር በመተባበር ያዘጋጀው የመጀመሪያው የንዑስ ቀጣና ሀገራት የባሕር ኃይል አዛዦች ፎረም በአዲስ አበባ ተጀምሯል። ለአራት ቀናት በሚቆየው በዚህ ወርክሾፕ ላይ የየመን፣ የኦማን እና የጅቡቲን ጨምሮ የሌሎች አገራት የባሕር ኃይል አዛዦች ተገኝተውበታል።
የኢትዮጵያ ባህር ኃይል አዛዥ ቫይስ አድሚራል ክንዱ ገዙ በዚሁ ጊዜ እንደተናገሩት፣ የኤደን ባሕረ ሰላጤን፣ ቀይ ባሕርን እና የምዕራብ ሕንድ ውቅያኖስን የሚያገናኘው ክልል ዓለም አቀፍ ስትራቴጂካዊ ጠቀሜታ አለው። አዛዡ ፎረሙ የኢትዮጵያ ባሕር ኃይል በቀጣናው ያላውን ቁልፍ ሚና ከማሳየቱም በላይ፣ ለሀገር ዲፕሎማሲያዊ የበላይነት እና ለሠራዊቱ ገጽታ ግንባታ ትልቅ ድል መሆኑን አጽንኦት ሰጥተዋል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
የሱዳን ጦር በዳርፉር በርካታ የውጭ ወታደራዊ መኮንኖችን መግደሉ ተሰማ
የሱዳን ጦር በደቡብ ዳርፉር ግዛት ዋና ከተማ በሆነችው ኒያላ በሚገኝ አንድ ምግብ ቤት ላይ በፈጸመው የድሮን ጥቃት በርካታ የውጭ ወታደራዊ መኮንኖች መገደላቸውን «ዳርፉር24» የተባለው የግል ድረ-ገጽ ዘገበ።
የዓይን እማኞችን ጠቅሶ እንደሰፈረው፣ የውጭ መኮንኖቹ በፈጥኖ ደራሽ ኃይል (RSF) አባላት እና የደህንነት ሰራተኞች ታጅበው ምግብ ቤቱ ደርሰው በነበረበት ሰዓት ጥቃቱ ተፈጽሟል። «ቁርስ ለመብላት እንደደረሱ ወዲያውኑ ድሮኑ ሚሳኤል ተኩሶ በቦታው የነበሩትን ሁሉ ገድሏል» ሲሉ እማኞች ተናግረዋል።
ይህ በአብዛኛው በፈጥኖ ደራሽ ኃይል ቁጥጥር ስር ባለው ክልል የተፈጸመው ጥቃት በአስራዎቹ የሚቆጠሩ ተዋጊዎችን መግደሉና ወታደራዊ መሳሪያዎችን ማውደሙ ተገልጿል። የሱዳን ወታደራዊ መራሹ መንግስት ከውጪ አገራት የመጡ ኃይሎች ከRSF ጋር ተባብረዋል ሲል በተደጋጋሚ ሲከስ የቆየ ሲሆን፣ አሁን የተወሰደው ይህ እርምጃ በጦርነቱ ውስጥ አዲስ እና አደገኛ ምዕራፍ ሊከፍት እንደሚችል ተሰግቷል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
የኢትዮጵያ ኢንቨስትመንት ኮሚሽን የተባበሩት መንግሥታት ዓለም አቀፍ ሽልማት ተቀዳጀ
በኳታር ዶሃ በተካሄደው 9ኛው ዓለም አቀፍ የኢንቨስትመንት ፎረም ላይ የኢትዮጵያን ስም በዓለም አቀፍ መድረክ ከፍ ያደረገ አስደሳች ዜና ተሰምቷል። የኢትዮጵያ ኢንቨስትመንት ኮሚሽን (EIC) በዲጂታል ኢኮኖሚ ዘርፍ ኢንቨስትመንትን በመሳብ ላስመዘገበው የላቀ አፈጻጸም የ2026 የተባበሩት መንግሥታት የኢንቨስትመንት ማስተዋወቅ ሽልማት ባለቤት ሆኗል።
ከ40 ሀገራት የተወከሉ 48 ብርቱ ተቋማትንና ፕሮጀክቶችን በማሸነፍ የተገኘው ይህ ድል፣ ሀገራችን ለቴክኖሎጂ፣ ለፈጠራ እና ለዲጂታል ትራንስፎርሜሽን እጅግ የተመቸ የኢንቨስትመንት ምህዳር እየገነባች መሆኑን በግልጽ የሚያረጋግጥ ነው።
ይህ ዓለም አቀፍ እውቅና የኢትዮጵያን ሁለንተናዊ የኢኮኖሚ እድገት አዲስ ተስፋና ብርሃን የፈነጠቀ ሲሆን፤ እንደ ኮሪያ፣ ኳታር እና ሞሮኮ ካሉ ዓለም አቀፍ ተወዳዳሪዎች ጋር በአንድ መድረክ መሸለሟ የሀገራችንን ከፍ ያለ አቅም ያሳያል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
በጀርመንና አየርላንድ የኢትዮጵያውያን አትሌቶች የድል ማዕበል
???? በፍራንክፈርት ማራቶን (ወንዶች)፦ አትሌት ጂራታ ሌሊሳ 2:05:26 በሆነ ሰዓት የግል ምርጥ ሰዓቱን በማሻሻል አንደኛ በመውጣት አሸንፏል፤ አትሌት አቤ ጋሻሁን 2:07:19 በሆነ ሰዓት 6ኛ ደረጃን ይዟል።
???? በፍራንክፈርት ማራቶን (ሴቶች)፦ አትሌት ዘይነባ ይመር 2:19:45 በሆነ ሰዓት የውድድሩ አሸናፊ ስትሆን፣ አትሌት በሪሃ ገ/ዮሐንስ (3ኛ)፣ አትሌት አሰለፍ አማረ (4ኛ)፣ አትሌት ስራነሽ ይርጋ (5ኛ)፣ አትሌት ምህረት ገመዳ (6ኛ) እና አትሌት ብርቄ በየነ (9ኛ) ደረጃን በመያዝ አስደናቂ የበላይነት አሳይተዋል።
???? በደብሊን ማራቶን (ወንዶች)፦ በአየርላንድ በተካሄደው ውድድር አትሌት አባይ አለሙ 2:10:29 በሆነ ሰዓት በመግባት በወንዶች ምድብ አንደኛ በመሆን አሸንፏል።
???? በደብሊን ማራቶን (ሴቶች)፦ አትሌት ዘነቡ ፍቅዳው 2:24:26 በሆነ ሰዓት በማጠናቀቅ የሴቶች ምድብ የደብሊን ማራቶን አሸናፊ ሆናለች።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
የ2027 የዋንዳ ዳይመንድ ሊግ የውድድር መርኃ ግብር ይፋ ሆነ!
የዓለም አትሌቲክስ 18ኛውን የ2027 የዋንዳ ዳይመንድ ሊግ የውድድር መርኃ ግብር ይፋ ያደረገ ሲሆን፣ ውድድሩ እ.አ.አ ግንቦት 7 ቀን 2027 በኳታር ዶሃ ተጀምሮ በአራት አህጉራትና በ15 ከተሞች ተካሂዶ በነሐሴ 25 እና 26 በስዊዘርላንድ ዙሪክ ከተማ ለሁለት ቀናት በሚደረግ የፋይናል ውድድር የሚጠናቀቅ ይሆናል። አትሌቶች በ32 የውድድር ዓይነቶች ነጥብ በመሰብሰብ ለዳይመንድ ዋንጫና ለገንዘብ ሽልማት የሚፎካከሩበት ይህ ውድድር፣ በቀጣዩ መስከረም ወር በቤጂንግ ለሚካሄደው የዓለም አትሌቲክስ ሻምፒዮና ትልቅ የአቋም መፈተሻ እንደሚሆን ተገልጻል።
ኢትዮጵያ ቡና በነጌሌ አርሲ 3 ለ 0 ተሸነፈ
በኢትዮጵያ ፕሪሚየር ሊግ ሦስተኛ ሳምንት ጨዋታ ነጌሌ አርሲ ኢትዮጵያ ቡናን 3 ለ 0 በማሸነፍ የውድድር ዓመቱን የመጀመሪያ ድል አስመዝግቧል።
ለነጌሌ አርሲ የማሸነፊያ ግቦቹን ገብረመስቀል ዱባለ በ20ኛው፣ ዳዊት ተፈራ በ28ኛው እና ኮሊንስ ኮፊ በ90'+6 ደቂቃ (በፍፁም ቅጣት ምት) አስቆጥረዋል።
በውጤቱም ኢትዮጵያ ቡና በሊጉ ካደረጋቸው ሦስት ጨዋታዎች ለሁለተኛ ጊዜ ሽንፈት አስተናግዷል።

