ወጣቶችና ሰራዊቱ ትግሉን እንዲቀላቀሉ ተጠይቀዋል

ራሱን "የትግራይ የሰላም ሃይል - ነፃ መሬት ትግራይ (T.P.F)" ብሎ የሚጠራውና በመቀሌ ከተማ ውስጥ ህቡእ እንቅስቃሴ እያደረገ መሆኑን የገለጸው ቡድን፣ ለመላው የመቀሌ ወጣቶችና ለትግራይ ሰራዊት አባላት አስቸኳይ ጥሪ አቅርቧል።

ቡድኑ ያወጣው መግለጫ ሙሉ ቃል ምን ይላል ?

እኛ በመቀሌ ከተማ ደጀን አካባቢ የምንገኝ የትግራይ የሰላም ሃይል - ነፃ መሬት ትግራይ (T.P.F) የውስጥ ህቡእ መዋቅር አባላት ነን። የትግራይ የሰላም ሃይል በቅርብ ጊዜ ወደ ወሳኝ ከተሞች እንቅስቃሴ ለመጀመር ዝግጅቱንና አቋሙን አስተካክሎ ያጠናቀቀ በመሆኑ፣ የመቀሌ ከተማ ሲቪል ወጣት በሙሉ ከከተማው የውስጥ ህቡእ መዋቅር ጋር በመናበብ በሚደረገው (ህዝባዊ እምቢተኝነት) ጥሪ ላይ ዋና ተዋናይ በመሆን አካባቢህን ረመጥ አድርገው።

በቅርቡ ከሻዕቢያ ጋር በመተባበር ጦርነት ለመጫርና ሰላማዊ የሆኑትን የደቡብ ምስራቅና የደቡብ ዞኖችን እንደምክንያት በመጠቀም ሊጀምረው ያሰበው ወታደራዊ ዘመቻ እንዳይፈጸም፣ ንብረት እንዳይዘርፍና ግፋ (ግዳጅ ውትድርና) እንዳይጀምር፣ ተደራጅተህ ከህዝብህ ጋር በመሆን እምቢተኝነትህን አሳይ። ከተማህን አድን!

በሰራዊት ውስጥ ያለህ፣ ከሰራዊት የወጣህ እንዲሁም አሁን በትግራይ ሰራዊት ውስጥ ያለህ ሁሉ፣ ከኮር በላይ ያለው አመራር ገፍቶ ወደማትፈልገው ጦርነት እንዳያስገባህና ወደ ሳዋ ሊወስድህ ዝግጅቱን ስላጠናቀቀ፣ በፍጥነት ባሉ አማራጭ መንገዶች ሁሉ ውሳኔ ወስደህ ጀግናውን የነፃ መሬት ሰራዊት ተቀላቀል።

ድል ለህዝባዊው የትግራይ ነፃ መሬት ሰራዊት!

22/11/2017 ዓ.ም

‛‛ከትግራይ የሰላም ሃይል (T.P.F) የከተማ ውስጥ ህቡእ መዋቅር የተሰጠ መግለጫ

ዘንድሮ ከቡና የውጭ ገበያ 2.6 ቢሊየን ዶላር ተገኝቷል

የግብርና ሚኒስትሩ ግርማ አመንቴ ኢትዮጵያ በዓለም አቀፍ የቡና ገበያ ላይ ያላትን ድርሻ ለማስጠበቅ ጥራት ያለው ቡናን በስፋት የማምረት ሥራ እየሠራች እንደምትገኝ ተናግረዋል፡፡

ሚኒስትሩ ይህን የተናገሩት የአፍሪካን የቡና እሴት ሰንሰለት ሽግግር ለማሳደግ ያለመ የምክክር መድረክ ላይ መሆኑን ስፑትኒክ ዘግቧል፡፡

በአረንጓዴ ዐሻራ መርሃ ግብር 8.5 ቢሊዮን የቡና ችግኞች መተከላቸውንም የግብርና ሚኒስቴር መረጃ ያመለክታል፡፡

የግብርና ሚኒስትሩ የቡና ምርታማነትን ለማሳደግ ኢትዮጵያ እያከናወነቻቸው የሚገኙ ተግባራትን ዘርዝረዋል፦

*በስድስት ዓመታት የቡና ምርታማነት ከ500 ሺህ ወደ 1.2 ሚሊየን ሜትሪክ ቶን አድጓል፣

*በዚህ ዓመት ቡናን ለውጭ ገበያ በማቅረብ 2.6 ቢሊየን ዶላር ተገኝቷል፣

*የሄክታር ምርታማነትም ከ0.6 ሜትሪክ ቶን ወደ 0.9 ሜትሪክ ቶን ከፍ ብሏል፣

*ለውጭ ገበያ የሚቀርብ የቡና መጠንም ከ469 ሺህ ሜትሪክ ቶን በላይ ደርሷል፣

ሚኒስትሩ ግርማ አመንቴ፤ ኢትዮጵያ ቡናን ለውጭ ገበያ በማቅረብ ከአፍሪካ መሪ መሆኗንም እንደገለፁ የሀገር ውስጥ ሚዲያ ዘግቧል፡፡

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…