• (Natural Steps): በህይወት ውስጥ መዳህ፣ መቆም፣ መራመድና መሮጥ ተፈጥሯዊ የ እድገት ደረጃዎች ናቸው። አንዱን ሳያጠናቅቁ ወደ ሌላው ለመሸጋገር መሞከር ውድቀትን ያመጣል።

• በፍላጎትና በአቅም መካከል ያለው ሚዛን: ፍላጎት ብቻውን ግብ አያደርስም። ፍላጎትን ከአቅም ጋር ማጣጣምና አቅምን ደረጃ በደረጃ ማሳደግ ዘላቂ ስኬትን ይሰጣል።

• ከትግስት ማጣት የሚመጣ ስብራት: አቅምን ሳያዘጋጁ በፍጥነት ለመብረር መሞከር መውደቅን ብቻ ሳይሆን፣ ዳግም እንዳይነሱ የሚያደርግ ከባድ ህመም እና ስብራት ያስከትላል።

መፍትሔው ፍላጎትን ሙሉ በሙሉ መተው ሳይሆን፣ አሁን ያለንን አቅም አምኖ መቀበል እና ደረጃ በደረጃ አቅማችንን እያሳደግን መራመድ ነው።

• 1. ካልጀመርን መጨረስ አንችልም፦ ማንኛውም ትልቅ ጉዞ የሚጀምረው በአንዲት እርምጃ ነው። የመጨረሻውን ግብ ለማየት የመጀመሪያውን እርምጃ የመውሰድ ድፍረት ያስፈልጋል።

• 2. ኢንቨስት ባላደረግንበት ትርፍ አንጠብቅም፦ በጊዜ፣ በጉልበት፣ በእውቀት ወይም በገንዘብ ዘር ባልዘራንበት ቦታ ፍሬ መከርን መጠበቅ አይቻልም። የምናወጣው መስዋዕትነት የምናገኘውን ውጤት ይወስነዋል።

• 3. ሳንሞክር ስኬትን መጠበቅ አይቻልም፦ ውድቀትን ፈርቶ አለመሞከር አሁኑኑ መሸነፍን መቀበል ነው። የስኬት መጀመሪያው ውድቀትንም ጭምር ለመጋፈጥ ፈቃደኛ መሆን ነው።

• 4. ከትላንት ካልተማርን ማደግ አንችልም፦ ትላንትና የዛሬ አስተማሪችን ነው። የሰራነውን ስህተት ሳናርምና አዳዲስ ትምህርቶችን ሳንቀስም ተመሳሳይ ቦታ ላይ እንደተሽከረከርን እንቀራለን።

• 5. ሪስክ ሳንወስድ ማሸነፍ አንችልም፦ ከለምድንበት ምቾት (Zone of Comfort) ሳንወጣ የሚገኝ ትልቅ ስኬት የለም። ትልልቅ ድሎች የሚገኙት የታሰበበትንና የተሰላውን ስጋት (Calculated Risk) ለመውሰድ ሲደፈር ብቻ ነው።

የኢትዮጵያ ብሔራዊ የድንገተኛ ሕክምና ቡድን (ET-EMT) በዓለም ጤና ድርጅት “Type 1 Fixed Emergency Medical Team” በመሆን ዓለም አቀፍ ዕውቅና ማግኘቱን የጤና ሚኒስትሯ ዶክተር መቅደስ ዳባ በማኅበራዊ ትስስር ገጻቸው ባሰፈሩት መልዕክት ይፋ አደረጉ።

ሚኒስትሯ ይህ ስኬት ለኢትዮጵያ ትልቅ ኩራትና ልዩ ደስታ መሆኑን ገልጸው፣ የዓመታት ትጋት፣ ትዕግሥት እንዲሁም በጤና ባለሙያዎች፣ በተቋማት እና በአጋሮች የተደረገ ከፍተኛ ጥረት ውጤት መሆኑን አብራርተዋል። ዛሬ የተገኘው ማረጋገጫ የቡድኑን ዝግጁነትና ብቃት ከማሳየት ባለፈ፣ በአስቸኳይ ጊዜ በፍጥነት በመድረስ ሕይወት ለማዳን እና ጥራት ያለው የጤና ሥርዓት ለመገንባት ያለውን ቁርጠኝነት የሚያረጋግጥ መሆኑን ጠቁመዋል።

ዶክተር መቅደስ ዳባ አክለውም ይህ ታሪካዊ ስኬት እንዲመዘገብ አስተዋጽኦ ላደረጉ አካላት በሙሉ በራሳቸው እና በጤና ሚኒስቴር ስም ምስጋና አቅርበዋል። በተለይም ለዓለም ጤና ድርጅት (WHO EMT Secretariat)፣ ለእንግሊዝ መንግሥት እንዲሁም ለልማትና ቴክኒክ አጋሮች ላደረጉት ቀጣይነት ያለው ድጋፍ ልዩ ምስጋና የቸሩ ሲሆን፣ ይህ ስኬት የኢትዮጵያ አቅምና የጽናት ማሳያ በመሆኑ ወደፊትም ጠንክሮ የመሥራት ፍላጎትን የሚያጎለብት መሆኑን ገልጸዋል።


ቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

ከ10 በላይ የሚሆኑ መታገታቸው ተሰምቷል

በማዕከላዊ ኢትዮጵያ ክልል ጉራጌ ዞን አበሽጌ ወረዳ "ዋልጋ" በተባለ አካባቢ የታጠቁ ኃይሎች በትላንትናው ዕለት በሰነዘሩት አዲስ ጥቃት ቢያንስ 17 ሰላማዊ ሰዎች መገደላቸውንና ከ10 በላይ የሚሆኑት መታገታቸውን ነዋሪዎችና ጉዳዩን ያጣሩ አካላት ለቲክቫህ ኢትዮጵያ ገልጸዋል።

በአካባቢው የሚፈጸመው ጥቃት በተለይም ክረምቱ ከገባ ወዲህ እየተባባሰ መምጣቱ የተገለጸ ሲሆን፣ "እስካሁን ባለን መረጃ ለታጋቾች ማስለቀቂያ ከ34 ሚሊዮን ብር በላይ ተከፍሏል፤ይህ ከአንድ ወር በፊት ያለ መረጃ ነው" በማለት የመረጃ ምንጮች ተናግረዋል።

የጉራጌ ዞን ፖሊስ ጥቃቱ መፈጸሙን ቢያረጋግጥም፣ መረጃዎችን የሚሰጠው አካባቢውን የሚያስተዳድረው ኮማንድ ፖስት በመሆኑ ዝርዝር ማብራሪያ መስጠት እንደማይችል አስታውቋል። በሌላ በኩል የማዕከላዊ ኢትዮጵያ ክልል ሰላምና ጸጥታ ቢሮ ኃላፊ አቶ ተመስገን ካሳ፣ ጥቃቱ መፈጸሙን በማረጋገጥ ድርጊቱን የፈጸመው "ራሱን ፋኖ ነኝ ብሎ የሚጠራ ገዳይና ዘራፊ ቡድን ነው" ሲሉ ተጠያቂ አድርገዋል። ኃላፊው አክለውም ቡድኑ አሳቻ ሰዓት በመጠቀም በንጹሐን ላይ ጉዳት ማድረሱንና የመንግሥት የጸጥታ ኃይሎች ሰላም ለማስፈን እየተንቀሳቀሱ መሆናቸውን ገልጸዋል።

ቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdma

በአዲስ አበባ ከተማ የትምህርት ቤቶች መከፈትን ተከትሎ የሚፈጠረውን የትራፊክ መጨናነቅ ለመቀነስ፣ በትምህርት ቤቶች ዙሪያ ተሽከርካሪ ደርቦ ማቆም 1 ሺህ ብር እንደሚያስቀጣ የአዲስ አበባ ትራፊክ ማኔጅመንት ባለሥልጣን አስታወቀ። የባለሥልጣኑ የሕዝብ ግንኙነትና ኮሙኒኬሽን ዳይሬክተር ወ/ሮ ገነት ዲባባ እንደገለጹት፤ ወላጆች ተማሪዎችን ለማውረድ ለጥቂት ሰከንዶች ብቻ ማቆም የሚችሉ ሲሆን፣ ተሽከርካሪን ለደቂቃዎች ማቆምም ሆነ አቁሞ መውረድ በጥብቅ የተከለከለ ነው።

መጨናነቁን በዘላቂነት ለማስቀረት ተማሪዎች በግል መኪና ፈንታ በትምህርት ቤቶች የሰርቪስ ተሽከርካሪዎች እንዲጓዙ ከትምህርት ቤቶች ጋር ስምምነት ላይ ተደርሷል። በተጨማሪም የትራፊክ ፍሰቱን ለማሳለጥ ከ500 እስከ 1,000 የሚደርሱ በጎ ፈቃደኛ ተማሪዎች የተሰማሩ ሲሆን፣ ከትምህርት ቤት አመራሮች እና ወላጆች ጋር በመቀናጀት ሕግ በሚጥሱ አሽከርካሪዎች ላይ ጥብቅ እርምጃ እንደሚወሰድ ተገልጿል።

በካናዳ ዓለም አቀፍ የቦክስ አሠልጣኝ እና የኢትዮጵያ ብሔራዊ ቡድን የቀድሞ ምርጥ ተጫዋች የሆነው መምህር ካሣሁን በቀለ፣ ከራሱ የሕይወት ልምዶች በመነሳት "ጽናት" የተሰኘውን አዲስ መጽሐፉን ሊያስመርቅ ነው። የፊታችን ቅዳሜ ጠዋት 3 ሰዓት ላይ በአራት ኪሎ ስፖርት ትምህርትና ሥልጠና ማዕከል (ወወክማ) አዳራሽ በሚካሄደው በዚህ ታላቅ የምረቃ ሥነ-ሥርዓት ላይ ከኤምባሲዎች እና ከስፖርቱ ዓለም የተጋበዙ የክብር እንግዶች እንደሚገኙ ይጠበቃል።

ይህ መጽሐፍ የቦክስ ስፖርትን ብቻ የሚያስተምር ሳይሆን፣ አንባቢያን ትዕግሥትን፣ ጥንካሬን፣ ተግሣጽን፣ የጊዜን አጠቃቀም እና በራስ መተማመንን የሚማሩበት የሕይወት መምህር ነው። የቦክሰኛ ጡጫ ሰውነትን እንደሚፈትን ሁሉ፣ በመጽሐፉ ውስጥ ያሉት የሕይወት ትምህርቶችም መንፈስን የሚያጠነክሩ እና ለስኬት የሚመሩ በመሆናቸው ለሁሉም አንባቢያን የማይታለፍ ልዩ እውቀት ይሰጣል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdma