23ኛው የጀምስ ቦንድ ፊልም “ስካይ ፎልስ”  ሰሞኑን መተዋወቅ ጀምረ፡፡ በተቀነጨበው ትእይንት ቦንድ ሲሞት መታየቱ ትኩረት መሳቡን ቢቢሲ አስታወቀ፡፡ የቦንድ ገፀባህርይ ሲሞት የሚታየው አሳዳጆቹን ለማዘናጋት በተፈጠረ ቅንብር መሆኑን የገለፀው ቢቢሲ፤ በሰላዩ ዘመቻ ከሞት በኋላ ህይወት መኖሩን ለማመልከት የተሰራ እንደሆነ አብራርቷል፡፡ “ስካይ ፎልስ” ከአምስት ወራት በኋላ በመላው አለም እንደሚታይ ይጠበቃል፡፡ በመሪ ተዋናይነት የሰራው ዳንኤል ክሬግ ሲሆን   የኦስካር ተሸላሚው ስፔናዊ ተዋናይ ጃቪዬር ባርደምንና ራልፍ ፊነስን ማሳተፉ ታውቋል፡፡  በ150 ሚሊዮን ዶላር በጀት የተሰራው ፊልሙ፤  ለ44 ዓመቱ እንግሊዛዊ ተዋናይ ዳንኤል ክሬግ ሶስተኛው የጀምስ ቦንድ ፊልም ይሆናል፡፡