የኢትዮጵያ መከላከያ ሰራዊት እና አጋሩ የትግራይ የሰላም ኃይል በመቐለ በስተሰሜን የምትገኘውን አጉላዕ ከተማ መቆጣጠራቸውን የአካባቢው ነዋሪዎች ገለጹ። መስከረም 27 ቀን 2019 ዓ.ም ማለዳ በከተማዋ ዙሪያ ከፍተኛ ውጊያ መደረጉ የተነገረ ሲሆን፣ የትግራይ ኃይሎች ከተማዋን ለቅቆ ወደ ውቅሮ አቅጣጫ ማምራታቸው ተሰምቷል። እንዲሁም ከመቐለ በስተደቡብ ምዕራብ በተንቤን መስመር በምትገኘው ሀገረ ሰላም ከተማም የመንግስት ኃይሎች መድረሳቸው ተገልጿል።

በሌላ በኩል፣ ከመቐለ ወደ አዲግራት በሚወስደው መንገድ ላይ በምትገኘው ውቅሮ ከተማ ዙሪያ የከባድ መሣሪያ ድምፅ እየተሰማ መሆኑ ተዘግቧል። የከተማው ነዋሪዎች ውቅሮ በአሁኑ ሰዓት ከጦርነቱ ወጪ መሆኗን ቢገልጹም፣ በአዲግራት አቅራቢያ ሰፍረው የነበሩ የኤርትራ ወታደሮች ወደ መቐለ አቅጣጫ ጉዞ መጀመራቸው እና ከሁለቱ ኃይሎች ጋር ውጊያ መግጠማቸው አይቀሬ መሆኑ ስጋት ፈጥሯል። በአካባቢው የስልክና የኢንተርኔት አገልግሎቶች ቢኖሩም የኤሌክትሪክ ኃይል መቋረጡ ታውቋል።

በትግራይ ክልል ውጊያው አሁንም በቀጠለበት በዚህ ወሳኝ ወቅት፣ የኢትዮጵያ ብሔራዊ የተሐድሶ ኮሚሽን ተዋጊዎችን ትጥቅ አስፈትቶ ወደ መደበኛ ሕይወት ለመመለስ ጥሪ አቅርቧል። የኮሚሽኑ ምክትል ኮሚሽነር ጀኔራል ደርቤ መኩሪያው፣ ከተመሰቃቀለ ሕይወት እና ከጦርነት እሳት መውጣት የሚፈልጉ ተዋጊዎች በመቐለ ከተማ ወደሚገኝ ማዕከል በመምጣት ሪፖርት ማድረግ እንደሚችሉ ጥሪ አስተላልፈዋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

ልክ እንደ ጤና፣ ግብርና፣ ትምህርት እና ሰላም ሚኒስቴሮች ሁሉ የስፖርት ሚኒስቴር ራሱን ችሎ ሊቋቋም ይገባል! ስፖርት ለአንድ ሀገር ልክ እንደ ቱሪዝም ትልቅ ትኩረት እና ገጽታን የመገንባት ሃይል አለው።

ከዚህ ቀደም ስፖርት ኮሚሽን በመባል፣ በባህልና ቱሪዝም፣ እንዲሁም በወጣቶች ስር በአንድ ዘርፍ ተደራጅቶ ቆይቷል። ይሁን እንጂ በአዲሱ የመዋቅር እይታ ከቅንጦት ባለፈ ለሀገር የሚሰጠው ፋይዳ ከፍተኛ በመሆኑ የተለየ ትኩረት ሊሰጠው ይገባል።

እንደ ሀገር የምንወደውንና የምንታወቅበትን አትሌቲክስ ጨምሮ መላው ስፖርቱ በአስተዳደራዊ ተግዳሮቶች እና በንትርኮች እየተጎዳ ይገኛል። የስፖርት መሠረተ ልማቶችን ማሟላት የመንግሥት ዋነኛ ተግባር ሲሆን፣ በቁርጠኝነት የሚሰሩ ልበ ቀና ባለሙያዎችም በሀገራችን ሞልተዋል።

ስፖርት የሀገራችንን መልካም ስም ለመገንባት ቁልፍ መሣሪያ ነው። በመሆኑም በቢሊዮኖች የሚቆጠር አቅም ያለውን ይህንን ዘርፍ፣ ራሱን የቻለ ተቋም አድርጎ በዕቅድና በራእይ መምራት ጊዜ የማይሰጠው ብሔራዊ ጉዳይ ሊሆን ይገባል!

የኤርትራ ወታደሮች ከዛላምበሳ አቅጣጫ አዲግራትን ጥሰው በመግባት ወደ ዕዳጋ ሐሙስ እና አፅቢ ማምራታቸው ተሰማ። የትግራይ የሰላም ኃይል አንድ ወታደራዊ አዛዥ ለዶይቼ ቬለ እንደገለጹት፣ እነዚህ ወታደሮች በሁለት የጭነት መኪኖች ተጭነው ወደ አፅቢ ወንበርታ ሲጓዙ ዕዳጋ ዓርቢ በሚባል አካባቢ የድሮን ጥቃት ተፈጽሞባቸዋል።

በተጨማሪም በምዕራብ ትግራይ በሸራሮና ሽረ መካከል በሚገኙ አካባቢዎች የኤርትራ ወታደሮች መግባታቸው ተነግሯል። ይሁን እንጂ ዶይቼ ቬለ የድሮን ጥቃቱን በገለልተኝነት ማረጋገጥ እንዳልቻለ የገለጸ ሲሆን፣ በጉዳዩ ላይ የመንግሥት እና የኤርትራ ባለሥልጣናት ምላሽ ለማግኘት የተደረገው ጥረት አልተሳካም።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የኢፌዴሪ ፌዴሬሽን ምክር ቤት 7ኛው የፓርላማ ዘመን 1ኛ ዓመት የሥራ ጊዜ 1ኛ መደበኛ ጉባኤውን እያካሄደ ይገኛል። በጉባኤውም ወይዘሮ ሙፈሪሃት ካሚል አፈ ጉባኤ ሆኖ ተመርጠዋል። በተጨማሪም አቶ ደስታ ሌዳሞ የምክር ቤቱ ምክትል አፈ ጉባኤ በመሆን ተመርጠዋል።