በካናዳ ዓለም አቀፍ የቦክስ አሠልጣኝ እና የኢትዮጵያ ብሔራዊ ቡድን የቀድሞ ምርጥ ተጫዋች የሆነው መምህር ካሣሁን በቀለ፣ ከራሱ የሕይወት ልምዶች በመነሳት "ጽናት" የተሰኘውን አዲስ መጽሐፉን ሊያስመርቅ ነው። የፊታችን ቅዳሜ ጠዋት 3 ሰዓት ላይ በአራት ኪሎ ስፖርት ትምህርትና ሥልጠና ማዕከል (ወወክማ) አዳራሽ በሚካሄደው በዚህ ታላቅ የምረቃ ሥነ-ሥርዓት ላይ ከኤምባሲዎች እና ከስፖርቱ ዓለም የተጋበዙ የክብር እንግዶች እንደሚገኙ ይጠበቃል።

ይህ መጽሐፍ የቦክስ ስፖርትን ብቻ የሚያስተምር ሳይሆን፣ አንባቢያን ትዕግሥትን፣ ጥንካሬን፣ ተግሣጽን፣ የጊዜን አጠቃቀም እና በራስ መተማመንን የሚማሩበት የሕይወት መምህር ነው። የቦክሰኛ ጡጫ ሰውነትን እንደሚፈትን ሁሉ፣ በመጽሐፉ ውስጥ ያሉት የሕይወት ትምህርቶችም መንፈስን የሚያጠነክሩ እና ለስኬት የሚመሩ በመሆናቸው ለሁሉም አንባቢያን የማይታለፍ ልዩ እውቀት ይሰጣል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdma

አብዛኛዎቹ ጤናማ አዋቂዎች በቀን ከሁለት እስከ ሶስት ሙዝ በጥንቃቄ መመገብ ይችላሉ። ሙዝ እንደ ፖታሺየም፣ ማንጋኒዝ፣ ቪታሚን ሲ እና B6 ባሉ ጠቃሚ ቪታሚኖች እና ሚነራሎች የበለፀገ ቢሆንም፣ ከመጠን በላይ መመገብ ግን ለክብደት መጨመር እና ለሌሎች አልሚ ምግቦች እጥረት ሊዳርግ ይችላል።

በተለይ የኩላሊት ህመም ያለባቸው ሰዎች መጠንቀቅ አለባቸው፤ ምክንያቱም ሰውነታቸው ትርፍ ፖታሺየምን ማስወገድ ስለሚከብደው ለሃይፐርካሌሚያ (Hyperkalemic) እና ለልብ ምት መዛባት ሊዳረጉ ይችላሉ። በተጨማሪም የስኳር ህመም ያለባቸው ሰዎች የደም ስኳር መጠን እንዳይነሳ ሙዝን ከፕሮቲን ወይም ከጤናማ ቅባቶች ጋር አጣምረው መመገብ ይመከራል።

ከልክ በላይ ሙዝ መመገብ የሆድ ዕቃ መነፋት፣ ጋዝ እና ተቅማጥ የመሰሉ የሆድ ዕቃ የምግብ መፈጨት ችግሮችን ሊያስከትል ይችላል። ስለዚህ ሙዝን በመጠኑ መመገብ ለጤና ተስማሚ እና ጠቃሚ ነው።

* 10 ሚ. ያህል አክሲዮን
ገዥዎችን ታላሚ ያደረገ ነው

በአፍሪካ ቁጥር አንድ ሀብታም የሆኑት አሊኮ ዳንጎቴ፤ ግዙፉ የዳንጎቴ የነዳጅ ማጣሪያ ኩባንያ እስከ ፈረንጆች ታህሳስ 2026 ድረስ የአህጉሪቱ ትርፋማ ኩባንያ እንደሚሆን ገለጹ። በሌጎስ የናይጄሪያ አክሲዮን ገበያ በተካሄደው ስነ-ስርዓት ላይ ንግግር ያደረጉት ዳንጎቴ «ከእንግዲህ የአፍሪካ ሀብታም ተብዬ መጠራት አልፈልግም፤ ይልቁንም ለሌሎች ሀብት የምፈጥር ባለጸጋ ተብዬ መጠራት እፈልጋለሁ» ብለዋል። ይህ የአክሲዮን ሽያጭ ናይጄሪያውያንም ሆኑ በዓለም ዙሪያ ያሉ ሰዎች የዚህ ታሪካዊ ፕሮጀክት ባለቤት እንዲሆኑ እድል ለመክፈት የተዘጋጀ መሆኑንም ተናግረዋል።

በዛሬው ዕለት 4.1 ቢሊዮን አክሲዮኖች ለሽያጭ የቀረቡ ሲሆን፣ የአንዱ አክሲዮን ዋጋ 525 ናይራ ሆኖ ተቆርጧል። እንደ ካፒታል ማርኬት አካዳሚክስ ፕሬዝዳንት ፕሮፌሰር ኡቼ ኡዋለኬ ገለጻ፣ ይህ ሽያጭ 10 ሚሊዮን ያህል አክሲዮን ገዥዎችን ታላሚ ያደረገ ነው። አነስተኛው የሽያጭ መጠን 10 አክሲዮን (በ5,250 ናይራ) በመሆኑ፣ እድሉ ለሀብታሞች ብቻ ሳይሆን ለሁሉም የህብረተሰብ ክፍል ክፍት እንደሆነ አብራርተዋል።

ይህ በእንዲህ እንዳለ የነዳጅ ማጣሪያው ወደ ስራ መግበቱን ተከትሎ የዳንጎቴ ሀብት ከ30 እስከ 36 ቢሊዮን ዶላር እንደደረሰ ይገመታል። በስነ-ስርዓቱ ማጠቃለያ ላይም ዳንጎቴ ይህንን ግዙፍ ፕሮጀክት ለመገንባት ሌላው ቀርቶ ለቤተሰባቸው የሚሰጡትን ጊዜ መስዋዕት በማድረጋቸው፣ ሦስቱ ሴት ልጆቻቸው ላሳዩት ትዕግስትና ድጋፍ ምስጋና አቅርበዋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

ታዋቂዋ ድምጻዊት ቬሮኒካ አዳነ በአዲስ አበባ ከተማ ትልቅ የሙዚቃ ኮንሰርት የማዘጋጀት ህልሟን ለማሳካት መኖሪያ ቤቷን በባንክ ማስያዟን በማህበራዊ ገጿ አስታወቀች። ላለፉት ሦስት ዓመታት በሀገር ውስጥ ኮንሰርቶችም ሆነ ክለቦች ውስጥ ሳትታይ የቆየችው ድምጻዊቷ፣ ከ20 በላይ ከሚሆኑ ፕሮሞተሮች ጋር ብታወራም የኮንሰርቱ ወጪ ከፍተኛ በመሆኑ አብረዋት ለመስራት ሳይችሉ መቅረታቸውን ገልጻለች።

በዚህም ምክንያት ህልሟን እውን ማድረግ የምትችለው ራሷ ብቻ መሆኑን በመረዳት «መጠሪያዬ ቱር» የተሰኘውን ታላቅ ኮንሰርት በራሷ ወጪ ለማዘጋጀት ወስና ቤቷን በባንክ አስይዛለች። ከአዲሱ አልበሟ ዝግጅት ጋር ተያይዞ ሀብቷ ሙሉ በሙሉ ስራ ላይ በመዋሉ ይህን ውሳኔ ማሳለፏን የገለጸች ሲሆን፣ ለዚህ ስኬትም ከቡድኗ ጋር በመሆን ከፍተኛ ዋጋ መክፈላቸውን አብራርታለች።

ይህ በዓለም አቀፍ ደረጃ የሚዘጋጀው ኮንሰርት ከአሜሪካና ከናይጄሪያ ከተወጣጡ ባለሙያዎች ጋር በመተባበር የሚከናወን ሲሆን፣ በህልሟ ላይ የተሳለቁትን አፍ የሚያስይዝ ስራ እንደምታቀርብም ተናግራለች። «ለህልም ዋጋ ቢከፈል አያግደውም» ያለችው ቬሮኒካ፣ ታላቁን የሙዚቃ ኮንሰርት በ2019 ዓ.ም እንደምታቀርብ ገልጻለች።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

አቶ ልደቱ አያሌው ያስተላለፉት የሃዘን መግለጫ

ለወ/ሮ ሶፊያ ይልማ ደሬሳ

ሶፊ—፥ አንች እናቴ፣ ጓደኛዬ፣ የትግል አጋሬ፣ ከምንም በላይ የህይዎት ቤተ-መጽሐፍቴ ነበርሽ። ከአማራጭ ኃይሎች ምስረታ ጀምሮ በትግል አጋርነት የተጀመረው ወዳጂነታችን ለ32 ዓመታት ሳይቋረጥ የዘለቀ ነው። አንች የሀገር ፍቅር፣ የስልጣኔ፣ የደግነት፣ የሀቀኝነት፣ የጽናትና የመርህ ሰውነት ዓርአዬ ነበርሽ።

ለ20 ዓመታትም የፓርቲያችን የኢዴፓ ምክትል ሊቀመንበር በመሆንና በተለያዩ ኃላፊነቶች በትጋትና በታማኝነት ለሀገርሽ የታገልሽ ጽኑ ሴት ነበርሽ።

ሶፊ—-፣ ከአንች ጋር በዓይን ሳንተያይ ሞት አንዳችንን እንዳይቀድም ለአለፉት ዓመታት ስመኝ ነበር። ግን እድለኛ አልሆንኩም። መላከ-ሞት አንችን ቀድሞ ወሰደ። ልቤም በሀዘን ተሰበረ። ምን ማለት እችላለሁ? አንች ልዩና በልዩ ሁኔታ መወሳት የሚገባሽ ሰው ብትሆኝም የተለመደውን ብዬ ልሰናበትሽ።

ሶፊ—፣ ነብስሽን ፈጣሪ ይማር። እራሴው ሀዘንተኛሽ ብሆንም ለልጆችሽ እና ለዘመድ አዝማዶችሽ በሙሉ መጽናናትን እመኛለሁ።

ልደቱ አያሌው።
መስከረም 4 ቀን 2019 ዓ.ም
ከሰሜን አሜሪካ

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

በትግራይ ክልል በሚገኙ ዩኒቨርሲቲዎች ይማሩ የነበሩ ተማሪዎች ባቀረቡት ቅሬታ መሰረት በክልሉ አስቻይ ሁኔታ እስኪፈጠር ድረስ ወደ ሌሎች ደህንነታቸው ወደሚጠበቅባቸው የመንግሥት ዩኒቨርሲቲዎች በጊዜያዊነት እንዲመደቡ መወሰኑን የትምህርት ሚኒስትሩ ፕሮፌሰር ብርሃኑ ነጋ አስታወቁ።

ሚኒስትሩ በትምህርት ሚኒስቴር ግቢ ከተገኙ ተማሪዎች ጋር ባደረጉት ውይይት እንደገለጹት፣ ጦርነትና ግጭትን በመሸሽ ከትግራይ ክልል የወጡ ተማሪዎች በሰላም የመማር መብት ያላቸው በመሆኑ ትምህርታቸው ሳይስተጓጎል መቀጠል እንዳለበት አስገንዝበዋል።

በውይይቱ ወቅት ፕሮፌሰር ብርሃኑ ነጋ ወጣቶች ትኩረታቸውን በትምህርታቸው ላይ ማድረግ እንዳለባቸውና አገርን ማጽናት የሚቻለው የዛሬው ትውልድ ለነገው ማሰብ ሲጀምር እንደሆነ ጠቁመዋል። ሚኒስትር ዴኤታ ፕሮፌሰር ክንደያ ገብረህይወትን ጨምሮ ሌሎች የትምህርት ሚኒስቴር ከፍተኛ አመራሮች በተገኙበት በዚህ መድረክ፣ በተማሪዎቹ ለተነሱ ጥያቄዎችና ስጋቶች አጠቃላይ ምላሽና ማብራሪያ ተሰጥቷል።

ተማሪዎች ለምዝገባ በአካል ወደ ሚኒስቴሩ መምጣት ሳይጠበቅባቸው ከዛሬ ማታ ጀምሮ ይፋ በሚደረገው የበየነ-መረብ (Online) መተግበሪያ በመጠቀም ባሉበት ሆነው መመዝገብ ይችላሉ። በምዝገባው ወቅትም ቀደም ሲል ይማሩበት የነበረውን ዩኒቨርሲቲ፣ የትምህርት ዘመናቸውን እና የትምህርት ዘርፋቸውን በመሙላት የዝውውር ፎርሙን በአጭር ጊዜ እንዲያጠናቅቁ ጥሪ ቀርቧል።

የዳግማዊ አጼ ምኒልክ መታሰቢያ በዓታ ለማርያም ገዳም 2.5 ቢሊዮን ብር በሚገመት ወጪ የሚከናወነውን ታሪካዊ የልማት ፕሮጀክት ግንባታ መስከረም 4 ቀን 2019 ዓ.ም. ማስጀመሩን የአዲስ አበባ ሀገረ ስብከት ሚዲያ አገልግሎት አስታወቀ።

በኮሪደር ልማት ምክንያት ፈርሶ የነበረውን የ93 ዓመታት ታሪክ ያለው የአረጋውያን መርጃ እና የዕጓለ ማውታ ማሳደጊያ ተቋምን ጨምሮ፣ ዘመናዊ የአብነት ትምህርት ቤት ማሰልጠኛ እና ሌሎች አገልግሎት ሰጪ ሕንፃዎች በ9,357 ካሬ ሜትር መሬት ላይ እንዲገነቡ የመሠረት ድንጋዩ በብፁዓን አበው ሊቃነ ጳጳሳት ቡራኬ ተቀምጧል።

ይህ ግዙፍ ፕሮጀክት ሲጠናቀቅ የደቀ መዛሙርትን የቅበላ አቅም ከማሳደጉም በላይ፣ ትምህርቱን በዘመናዊ መንገድ እና ከዓለማዊ ትምህርት ጋር አቀናጅቶ ለመስጠት ትልቅ አስተዋጽኦ ይኖረዋል ተብሏል። የቅዱስ ሲኖዶስ ዋና ጸሐፊ አቡነ ዲዮስቆሮስ እና የገዳሙ አስተዳዳሪ ሊቀ ሊቃውንት አባ ተክለ ሃይማኖት ወልዱ እንደገለጹት፣ ቤተ ክርስቲያኒቱ እና የቅዱስ ሲኖዶስ አካላት ይህንን ታሪካዊ ፕሮጀክት ከጎኑ በመሆን ሙሉ ድጋፍ እንደሚያደርጉለት አረጋግጠዋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የአዲስ አበባ ከተማ አስተዳደር የምግብ እና መድኃኒት ባለሥልጣን የጤና ተቋማትና ባለሙያዎች የብቃት ማረጋገጫና ፈቃድ ክፍያ ላይ ከፍተኛ ጭማሪ ማድረጉ ተሰማ። አሐዱ ሬዲዮ እንደዘገበው፤ ከጳጉሜን 2 ቀን 2018 ዓ.ም. ጀምሮ ተግባራዊ መደረግ የጀመረው ይህ አዲስ ደንብ፤ የስፔሻላይዝድ እና ኮምፕሪሄንሲቭ ሆስፒታሎችን ክፍያ ከቀድሞው 1,600 ብር ወደ 10,000 ብር ከፍ አድርጓል። የጠቅላላ ሆስፒታሎች ፈቃድ ወደ 8,000 ብር፣ የጤና ጣቢያዎች ወደ 2,500 ብር፣ እንዲሁም የመድኃኒት ቤቶች ፈቃድ ወደ 2,000 ብር አድጓል።

በተጨማሪም ለፀጉር ንቅለ ተከላ አገልግሎት ተቋማት ፈቃድ ለማውጣት 5 ሺህ ብር የተተመነ ሲሆን፣ የተለያዩ የአምቡላንስ አገልግሎቶች እንደ ደረጃቸው ከ1 ሺህ እስከ 1 ሺህ 500 ብር ተቆርጦላቸዋል። የጤና ባለሙያዎችን በተመለከተ አዲስ የሙያ ፈቃድ ማውጫ ከ200 ብር ወደ 500 ብር፣ የእድሳት ከ200 ብር ወደ 400 ብር፣ የመልካም ስራ የድጋፍ ደብዳቤ ከ100 ብር ወደ 500 ብር፣ እንዲሁም ለውጭ ዜጎች የህክምና ማስረጃ ማረጋገጫ ከ300 ብር ወደ 1 ሺህ ብር አድጓል።

ባለሥልጣኑ ማሻሻያውን ያደረገበት ምክንያት ቀደም ሲል ይጠየቅ የነበረው ክፍያ ከሆቴሎችና ሬስቶራንቶች የሚሰበሰበው ጋር ሲታይ እጅግ አነስተኛ መሆኑን፣ የሥራ ማስኬጃ ወጪዎች ማደጋቸውንና የከተማዋን ዓመታዊ የገቢ ዕቅድ ማሳካት አስፈላጊ መሆኑን በመጥቀስ ነው። ይሁን እንጂ፣ ሕዝቡ ለሚያቀርባቸው የሙያ ሥነ-ምግባር አቤቱታዎች፣ የተቋማት የቁጥጥር ስምሪቶች እና የመጀመሪያ ዙር የቅድመ ፈቃድ ኢንስፔክሽኖች ሙሉ በሙሉ ከክፍያ ነፃ መሆናቸው በደንቡ ላይ ተመላክቷል።

የኢትዮጵያ አየር መንገድ እና ኤስኪ (ASKY) አየር መንገድ በቶጎ ሎሜ ከተማ ራሱን የቻለ የአውሮፕላን ጥገና ማዕከል በ100 ሚሊዮን ዶላር ሊያቋቁሙ ነው። በቦይንግ የቴክኒክ ጥናት የተደገፈውና በ21.2 ሄክታር መሬት ላይ የሚያርፈው ይህ ማዕከል፤ ትላልቅ አውሮፕላኖችን ማስተናገድ የሚችሉ ሃንጋሪዎችን እና ሌሎች አስፈላጊ መገልገያዎችን የያዘ ነው።

ይህ በጋራ የሚቋቋመው ኩባንያ የኤስኪ አየር መንገድን እና የምዕራብና መካከለኛ አፍሪካ አየር መንገዶችን ጥገና ፍላጎት ለማሟላት በማቀድ እስከ 2028 መጨረሻ ድረስ ሥራ ለመጀመር አቅዷል። ፕሮጀክቱ የአፍሪካን አቪዬሽን ከውጭ ጥገኝነት ነፃ ለማውጣት እና ለበርካታ ዜጎች የሥራ ዕድል ለመፍጠር ይረዳል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

በቬኒስ የፊልም ፌስቲቫል አሸናፊ የሆነው «NAZA» የተባለው የእስራኤል ዘጋቢ ፊልም በእስራኤል ውስጥ ከፍተኛ ውዝግብ አስነስቷል። ፊልሙ በጋዛ ያለውን ጦርነት እና በሲቪሎች ላይ የሚደርሰውን ጉዳት ከእስራኤል ወታደሮች አንጻር የሚያሳይ ሲሆን፣ ይህ አሰራር በብዙዎች ዘንድ ተቃውሞ ገጥሞታል።

በእስራኤል የሚገኙ ታዋቂ ሰዎችና ተዋናዮች ፊልሙ በጥቅምት 7 የደረሰውን ጥቃት ባለማካተቱ እና አገርን የሚጎዳ በመሆኑ አጥብቀው ተችተዋል። ፊልሙ የጠላትን ፕሮፓጋንዳ ያገለግላል የሚሉ አሉ።

የእስራኤል መከላከያ ኃይል (IDF) በፊልሙ የቀረቡትን ክሶች ውድቅ አድርጓል። የባህልና ስፖርት ሚኒስትሩ ሚኪ ዞሃርም ፊልሙን አውግዘው፣ አዘጋጆቹ በሀገር ክህደት ወንጀል ዜግነታቸው እንዲነጠቅ ጥረት እንደሚያደርጉ ገልጸዋል። የፊልሙ አዘጋጆች በበኩላቸው፤ ሕብረተሰቡ እውነታውን እንዲመለከት ለማድረግ ፈልገው እንደሰሩት ተናግረዋል።

ፊልሙ በእስራኤላውያን ተሰራ መሆኑና የምስክርነት ቃሎቹ ከወታደሮቹ መገኘታቸው ጉዳዩን አስቸጋሪ አድርጎታል። ይህ ሁኔታ ወዳጅ አገሮች በራሳቸው ሕዝብ ዘንድ ከፍተኛ ፖለቲካዊ ጫና እንዲፈጥርባቸው አድርጓል። በውጭ አገሮች የሚገኙ የእስራኤል አምባሳደሮችም መንግሥት አፋጣኝ ምላሽ እንዲሰጥ ማሳሰባቸው ተነግሯል።

Visit Jerusalem-

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas