ታዋቂው የኢኮኖሚ ባለሙያ ክቡር ገና በአፍሪካ እና በኢትዮጵያ ወቅታዊ የፖለቲካ-ኢኮኖሚ ገጽታ ላይ ትኩረቱን ያደረገ አነጋጋሪ ጽሑፍ ይፋ አደረጉ። አፍሪካ ከቅኝ ግዛት ነጻ ከወጣች 60 ዓመታት በላይ ቢቆጠሩም፣ አህጉሪቱ አሁንም ጥሬ ዕቃ ብቻ ወደ ውጭ በመላክ የቴክኖሎጂና የማምረት አቅም ጥገኛ ሆና እንደቀጠለች ባለሙያው አስገንዝበዋል። የበለጸጉ ሀገራት እና ዓለም አቀፍ ተቋማት ለራሳቸውስትራቴጂካዊ ጥቅም እንጂ ለአፍሪካ የኢኮኖሚ ሽግግር ተቆርቁረው እንደማይሠሩ የጠቀሱት ክቡር ገና፣ የውጭ ኃይሎችን ብቻ መወንጀል ፋይዳ እንደሌለው አብራርተዋል።

በሀገር ውስጥ ደረጃም የፖለቲካ ሥልጣን ከኢኮኖሚ ቁጥጥርና ከሀብት ማከፋፈል ጋር የተቆራኘ መሆኑ ለዘብተኛ ዕድገት ትልቅ እንቅፋት መሆኑን ጽሑፉ ያሳያል። ባለሥልጣናት የንግድ ፈቃድ፣ መሬት እና የውጭ ምንዛሪ በመቆጣጠር ሀብት የሚያከማቹበት ሥርዓት በመዘርጋቱ፣ ፖለቲካዊ ሥልጣን የሞትና ሽረት ውጊያ ሆኗል። ይህ ሁኔታ ኢኮኖሚያዊ መዋቅራዊ ሽግግር እንዳይመጣ አድርጓል ያሉት ተንታኙ፣ የማንነት ፖለቲካና የሥልጣን ውዝግብ ተቋማዊ ልምሻን እያስከተለ እንደሚገኝ አመላክተዋል።

የኢትዮጵያን ነባራዊ ሁኔታ ሲዳስሱም፣ አገሪቱ ግዙፍ የተፈጥሮ ሀብትና ወጣት ሕዝብ ባለቤት ስትሆን፣ አብዛኛው የፖለቲካ አቅም በማንነት፣ በታሪክ እና በድንበር ውዝግቦች መባከኑን ጠቁመዋል። ሌሎች ሀገራት በቴክኖሎጂ ልህቀትና በስራ ፈጠራ ሲመሩ፣ እኛ በአስተዳደራዊ ድንበር እና በ ትርክት ላይ መመሰጣችን የትውልዱን ወርቃማ ጊዜ እንዳባከነው ተገልጿል። የፖለቲካ ግጭት ጠማቂዎች ታሪክን እያጣቀሱ ማህበረሰቦችን ሲያቀሳቅሱ፣ የነገው የጋራ ዕጣ ፈንታ ሊታሰብ እንደሚገባ አፅንኦት ተሰጥቷል።

ለስድስት አስርት ዓመታት በኢትዮጵያ ሙዚቃ ውስጥ አርአያ የሆነው የክብር ዶክተር አርቲስት መሐሙድ አህመድ፤ የኪነ ጥበብ ህይወቱ የመጨረሻ ሥራ የሆነውን እና ለትውልድ የሚሻገር አዲስ የሙዚቃ አሻራ ለማስቀመጥ ያዘጋጀውን 26ኛ አልበሙን በሸራተን አዲስ ሆቴል በሰጠው ጋዜጣዊ መግለጫ አስተዋውቋል። "ለታሪክ" የተሰኘው ይህ አልበም የቀደሙትን የኢትዮጵያ ሙዚቃ ቅርሶችና ወጎች ከአዲሱ ትውልድ ጋር ለማገናኘት ታስቦ የተዘጋጀ ሲሆን፤ ዘመናዊ የሙዚቃ መሣሪያዎችንና ባህላዊ ቅኝቶችን በማቀናጀት በፍቅር፣ በሀገርና በማህበራዊ እሴቶች ላይ ያተኮሩ አዳዲስና በትዝታ የተቃኙ ዜማዎችን አካትቷል።

አልበሙ በይፋ ከመለቀቁ በፊት በእንቁጣጣሽ ዋዜማ አንድ ነጠላ ዜማ የሚለቀቅ ሲሆን፣ ሙሉው አልበም በመስከረም አጋማሽ በስፖቲፋይ፣ አፕል ሙዚክ፣ ዩቲዩብ እና በሌሎችም ዲጂታል መድረኮች ለአድማጮች ይደርሳል። ይህንን ታሪካዊ ሥራ በዓለም አቀፍ ደረጃ ከሚያሰራጨው የሙዚቃ ኩባንያ ጋር በአጋርነት የሚያስተባብረው "ይሳቃል ኢንተርቴይመንት" መሆኑ የተገለጸ ሲሆን፤ አርቲስቱ አዲሱ ትውልድ የሀገርን ባህልና ቅኝት ሳይለቅ ዘመናዊነትን እንዲቀላቅል ጥሪ አቅርቧል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

በጉጉት የሚጠበቀው እና በMMA፣ Muay Thai እንዲሁም Boxing ዘርፎች የሚካሄደው የETFC 002 – Adwa Fight Night የፊት-ለፊት የፍጥጫና የሚዛን ልኬት መርሃ ግብር ዛሬ በአዲስ አበባ አድዋ መታሰቢያ ሙዚየም ተካሂዷል። በዝግጅቱ ላይ ተፋላሚ አትሌቶች ፊት-ለፊት በመገናኘትና የሚዛን ልኬታቸውን በማጠናቀቅ ለዋናው የውድድር መድረክ ብቁ መሆናቸውን ያረጋገጡ ሲሆን፤ ታዋቂ አርቲስቶች፣ ቲክቶከሮች፣ ዩቲዩበሮች እና የኢንዱስትሪው አጋሮች ተገኝተዋል።

በSweat Box እና ETFC ትብብር እንዲሁም በM-Pesa፣ GoFere እና AbbayTV አጋርነት የተዘጋጀው ይህ ግዙፍ የፍልሚያ መድረክ ሰዓታት ብቻ ቀርተውታል። የፍልሚያው ትኩሳት እጅግ ከፍተኛ በሆነበት በዚህ ወቅት፣ አድናቂዎች ተጋጣሚዎቹን በድርጊት ለማየት በጉጉት እየጠበቁ የሚገኙ ሲሆን ውድድሩ ዛሬ ነሐሴ 21 ቀን 2018 ዓ.ም ከምሽቱ 10 ሰዓት ጀምሮ በአድዋ መታሰቢያ ሙዚየም በድምቀት ይከናወናል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

እውነተኛ የለውጥ አብዮት መነሻው የት እንደሆነ በታላቁ ጸሐፊ በሊዮ ቶልስቶይ ሕይወት እና አስተሳሰብ በመነሳት ሲመረመር ትልቅ ጥልቀት አለው። ብዙዎች ሕይወታቸውን የሚጨርሱት ውጫዊ ሥርዓቶችን እና የሌሎችን ባሕርይ በመተቸት ነው። በዚህ ሒደት ውስጥ በእርግጥ ልንቆጣጠረው የምንችለው ብቸኛ አካል ማለትም የራሳችን ስብዕና ሳይለወጥ ይቀራል።
ውጫዊ አክቲቪዝም ብዙ ጊዜ ሰዎች ከባድ የሆነውን የግል ራሳቸውን የማረም ሥራ ለመሸሽ የሚጠቀሙበት የውሸት ጋሻ ነው። ሰዎች ጣታቸውን ወደ ውጭ በመቀሰር የራሳቸውን ውስጣዊ ስብራት እና ጉድለት ለመደበቅ ይሞክራሉ፤ ይህ ደግሞ እውነተኛውን የነፃነት ጎዳና በእጅጉ ያዘገየዋል።

ታላቁ የሩሲያ የስነ ፅሁፍ አባት ሊዮ ቶልስቶይ በሕይወቱ አጋማሽ ላይ ከፍተኛ የሆነ ውስጣዊ ቀውስ ገጥሞት የባለጸግነት ማዕረጉን በመተው እንደ ተራ የግብርና ሰው ለመኖር ሞክሯል። ሌሎችን ላለመበዝበዝ ሲል ራሱ ጫማ መስፋትን እስከ መማር ደርሷል፤ ምክንያቱም የግል ሞራላዊ ለውጥ ሳይኖር እውነተኛ ማህበራዊ እድገት ሊኖር እንደማይችል በጥልቅ አምኖበት ነበር።

እውነተኛ ጥበብ የሚጀምረው ውጫዊውን ዓለም ለመቆጣጠር ከመሞከር ይልቅ የራሳችንን ውስጣዊ ማንነት በድጋሚ በመገንባት ነው። «ሁሉም ሰው ዓለምን ስለመቀየር ያስባል፣ ነገር ግን ማንም ስለ ራሱ መለወጥ አያስብም» የሚለው የቶልስቶይ ታዋቂ ጥቅስ ትልቁን እውነት ያስተጋባል። ዓለምን ለመለወጥ ብቸኛው መንገድ ራስን ማስተር ማድረግ ነው።

በዓለም ላይ ተጨማሪ ሐቀኝነት ከፈለጉ፣ አስቀድመው እርስዎ ሐቀኛ መሆን አለብዎት።

AfLEX-


የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

የአዲስ አበባ ፖሊስ ባደረገው ጥብቅ ክትትል በጉለሌ ክፍለ ከተማ አዲሱ ገበያ አካባቢ በህትመት ስራ ስም ተሸሽጎ የተለያዩ ሀሰተኛ ሰነዶችን ሲያዘጋጅ የነበረው ካሊድ አወል የተባለ ግለሰብ በቁጥጥር ስር ውሏል። በንግድ ቤቱ ውስጥ በተደረገ ብርበራ የበርካታ የመንግስት ተቋማት የራስጌና የክብ ማህተሞች፣ የልደት ምስክር ወረቀቶች፣ የግብር ከፋይ ማስረጃዎች፣ የፖሊስ የፎረንሲክ ማስረጃዎች እና የተሽከርካሪ ምርመራ ሰነዶችን ጨምሮ ለህገ-ወጥ ድርጊቱ የሚውሉ 2 ዴስክቶፕ ኮምፒውተሮች፣ ፍላሾች እና ፕሪንተሮች በኤግዚቢትነት ተይዘዋል።

ፖሊስ በማስረጃ የተጠናቀረውን የምርመራ መዝገብ ለዐቃቤ ሕግ በመላክ በግለሰቡ ላይ ክስ መመስረቱን አስታውቋል። ሀሰተኛ ሰነዶችን ማዘጋጀትና ማሰራጨት በሀገር ምጣኔ ሀብት እና ደህንነት ላይ ከፍተኛ አሉታዊ ተፅዕኖ የሚያሳድር ወንጀል መሆኑን የገለጸው ፖሊስ፣ ህብረተሰቡ መሰል ህገ-ወጥ ድርጊቶችን በመገንዘብ ለህግ አካላት አሳልፎ በመስጠት የበኩሉን ኃላፊነት እንዲወጣ ጥሪ አቅርቧል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

ለሩት ይርጋለም ድምጻችሁን ለመስጠት ሊንኩ ይኸው፡ https://missworld.1voting.com/.../EVENT_dNWcJ/ethiopia-Fczj